ளங்கள் அளிக்கப்போகும் தமிழ் புது வருடமாகிய  பிலவ ஆண்டின் சித்திரை 1ஆம் தேதி 2021 ஆம் ஆண்டு  ஏப்ரல் மாதம் 14ம் தேதி, புதன்கிழமை, சுக்கிலபட்சம் துவிதியைத் திதி பரணி நட்சத்திரம், சித்தயோகம் கூடிய சுபயோக சுப தினத்தில் பிறக்கிறது. தமிழ் ஆண்டு வரிசைப்படி,  அட்டவணையில் 35 வதாக வரக் கூடிய பிலவ வருடம் இதோ வந்துகிட்டிருக்குங்க.

பிலவ ஆண்டு பிறக்கும் போது மேஷ ராசியில் ராஜ கிரகமான சூரியன் உச்சம் பெற்றிருக்க கூடவே சுக்கிரன், சந்திரன் இணைந்துள்ளனர். ரிஷபத்தில் ராகு, மிதுனத்தில் செவ்வாய், விருச்சிகத்தில் கேது, மகரத்தில் சனி, கும்ப ராசியில் குரு மீன ராசியில் புதன் என கிரகங்கள் சஞ்சரிக்கின்றன.

பொதுப்பலன்கள்:

இந்தப் புது வருடம், மேஷ லக்னம் மேஷ ராசி பரணி நட்சத்திரத்தில் பிறக்கிறது. பரணி சுக்கிரனின் நட்சத்திரம். எனவே பெண்களுக்கு சந்தோஷத்தையும் மனநிறைவும் முன்னேற்றமும் தரும் ஆண்டாக இப்புத்தாண்டு அமையும்.. திருமணம் ஆகாதவர்களுக்கு திருமணம் நடக்கும். குழந்தைக்குக் காத்திருப்போருக்கு புத்திர பாக்கியம் கிடைக்கும். அனேகமாக அது பெண் குழந்தையாக இருக்கலாம். இந்த ஆண்டில் மிக அதிகம் பேருக்கு திருமணங்கள் நடக்கவும் குழந்தைப் பேறு கிடைக்கவும் வாய்ப்புள்ளது.

இவ்வாண்டு பரணி நட்சத்திரத்தில் பிறப்பதால் மக்களின் வருமானம் சிறப்பாக இருக்கும். உணவுத் பிசினஸ் கொடிகட்டிப் பறக்கும். விவசாயம் செழிப்பாக இருக்கும், பங்குச் சந்தை சிறந்த லாபம் தரும். கட்டுமானத் தொழிலும் மருத்துவத் தொழிலும் வளர்ச்சியடையும்.

வாகனம் தொடர்பான பிசினஸ் உள்பட, .பிசினஸ் செய்துக்கிட்டிருக்கறவங்க, உற்பத்தி தொடர்பான பிசினஸ் செய்துக்கிட்டிருக்கறவங்க அனைவருக்கும் வளர்ச்சி ஏற்படும். கூடுதல் லாபமும் கிடைக்கும்

அலுவலகப் பணியில் இருப்பவர்களுக்கு மிதமான முன்னேற்றம் இருக்கும். சில நட்சத்திரங்களில் பிறந்தவர்களுக்கு அற்புதமான பலன் உண்டு.

ஸ்டூடன்ட்ஸ் சற்றுஅதிக கவனமுடன் படித்தால் வெல்ல முடியும்.

அரசியலில் எதிர்பாராத மாற்றங்கள் நடக்கும். ஆட்சி அதிகாரத்தில் இருப்பவர்கள் சிக்கல்களையும் நெருக்கடிகளையும் சந்திக்க வேண்டியது வரும்.

தனுசு (மூலம்)

பொதுவாக முன்னேற்றப் பாதையை நோக்கி அடியெடுத்து வைப்பீங்க. அரை குறையாக நின்ற பணிகளை அவசரமாக முடிப்பீங்க. தனவரவு தாராளமாக வந்து சேரும். தன்னம்பிக்கை அதிகரிக்கும். நினைத்த விஷயத்தை முடிக்கும் மன உறுதி பிறக்கும். தன்னம்பிக்கை கூடும். முன்னேற்றத்துக்கான வழிகளைக் கண்டறிவீங்க.

ஓரளவே பணவரவு இருக்கும் என்றாலும், கடன் வாங்காத அளவுக்கு வரவு இருக்கும். பிசினஸ் புரிபவர்கள் படிப்படியாக முன்னேறுவாங்க. குடும்பத்தில் மகிழ்ச்சி நிலவும். நிதி சம்பந்தப்பட்ட திடீர் பயணம் உண்டாகும். அது வெற்றிகரமாக முடிவதால் நிதி நிலை மேம்படும்.

வாக்குவாதத்தால் தொல்லைகள் வராமல் பார்த்துக்கொள்ளுங்கள்.  பிள்ளைகளின் நலன் கருதி எடுத்த முயற்சிகளில் இதுவரை இருந்த தடை அகலும். வாழ்க்கைத் துணைக்கு வேலை கிடைத்த மகிழ்ச்சியான தகவல் வந்து சேரும். யாரேனும் ஒருவர், வெளியூர் வெளிநாடு என்று செல்வர்.

தேர்வுகள் நடைபெற உள்ள மார்ச், ஏப்ரல், மே மாதங்களில் கிரஹ நிலை சாதகமாக உள்ளதால் நல்ல மதிப்பெண்களுடன் தேர்ச்சி பெறுவீங்க உங்க தாய் தந்தையரையும் ஆசிரியரையும் மகிழ்விப்பீங்க.

இத்தனை நாளும் தேவையற்ற பயத்துடன் ஒதுங்கிய இடத்தை தைரியமாக எதிர்கொள்வதால் எதிரிகள் காணாமல் போவாங்க. உடன்பிறப்புகளின் ஒற்றுமை பலப்படும்.

அலைச்சல் காரணமாக ஓய்ச்சல் மற்றும் களைப்பு ஏற்படலாம். வாகனங்களை  மிகவும் கவனமாக ஓட்ட வேண்டும். உஷ்ணம் சம்பந்தமான வெளிப்பாடுகள் இருக்கும். மூக்குக் கண்ணாடி பவர் மாறும்.

பணியில் சில மாதங்கள் இடைவெளி ஏற்பட்டிருந்தவர்கள் மீண்டும் பணியில் சேர வாய்ப்பு வரும். பொறுப்பாக செயல்பட்டு நன்மையடைவீங்க. . பணி மற்றும் வியாபார இடத்தில், விட்டுக் கொடுத்து போவது நல்லது. பங்குதாரர்களால் வந்த விரயம் தீரும்.

ஸ்டூடன்ட்ஸ் படிப்பில் ஆர்வமுடன் படிப்பீங்க. விளையாட்டு போட்டிகளில் பிரைஸ், பதக்கங்கள் வெல்ல வாய்ப்புள்ளது. சிலருக்கு மேற்கல்வி தொடர்பான வெளிநாடு, வெளியூர் பயணம் அமையும். நீர் சார்ந்த விளையாட்டில் வெற்றி பெறுவீங்க. இன்டரஸ்ட் காரணமாக முன்பைவிட இப்போது அதிக மதிப்பெண் பெறுவீங்க. கல்விஸ்தானத்தை குரு பார்ப்பதால் எங்கும் எதிலும் வெற்றி உண்டு.

தனுசு (பூராடம்)

வேலைச்சுமையால் டென்ஷன் அதிகரிப்பதுபோல் தோன்றும். பெரிய அளவில் ஏதோ நோய் இருப்பதைப் போன்ற பிரமையும் தேவையற்ற பயமும் வந்து நீங்கும். எல்லா பிரச்னைகளுக்கும் ஒரு விடிவு காலம் பிறக்கும். பயந்த விஷயங்கள் பயமுறுத்தாமல் விலகிவிடும்.

என்றைக்கோ வாங்கிப் போட்ட இடம், இப்பொழுது பலமடங்கு விலை உயரும். மிகுந்த முயற்சிக்குப் பிறகுதான் எந்த முன்னேற்றமும் படிப்படியாக இருக்கும். நிதி மேம்பாட்டுக்கு எந்த விதக் குறுக்கு வழியையும் கையாள வேண்டாம். நிதி மேம்பாடு வெண்டுமென்றால் நன்கு உழைக்கத் தயாராகுங்கள். எதிர்பார்த்த லோன் பணம் கைக்கு வரும்

எதையும் அவசரப்படாமல் செய்தால் பிரச்னை வராது. ரகசியங்களைப் பாதுகாக்க வேண்டும். புதியவர்களை நம்ப வேண்டாம். அலுவலகத்தில் நல்ல பெயர் எடுப்பீங்க.  அதிக அலைச்சல் இருக்கும். பணியையும் குடும்பத்தையும் சீர் செய்து பொழுது போக்கு விஷயங்களிலும் சந்தோஷமாக அனுபவிப்பீங்க.

குடும்ப விஷயங்கள், சொத்துக்கள் சம்பந்தமான விஷயங்களை ரகசியமாக வைப்பது உத்தமம். சந்திரன், சூரியன் நட்சத்திரத்தில் சனி செல்வதால் மகன் திருமண  விஷயமாக திடீர் சுப முடிவுகள் வரும். நெருங்கிய சொந்தத்திலேயே பெண் அமையும் அதனால் இன்ப அதிர்ச்சி அடைவீங்க.

ஸ்டூடன்ட்ஸ் தீய நண்பர்களின் சேர்க்கையை விலக்கி, படிப்பில் கவனம் செலுத்துவது நலம் தரும்.. சொத்து வாங்குவது, விற்பது போன்ற விஷயங்களில் நல்ல அனுபவமிக்க வழக்கறிஞரை கலந்து ஆலோசித்து செய்யவும்.

மிக மிக முக்கியமான மாற்றங்கள் உண்டாகும். பிரிந்திருந்த கணவர், மனைவி  ஒன்று சேருவாங்க. அடிப்படை வசதிகள் பெருகும். எதையும் சவாலாக எதிர்கொண்டு  செய்து முடிப்பீங்க.

வாயுத் தொந்தரவால் நெஞ்சு வலிக்கும். காய்ச்சல், யூரினரி இன்பெக்‌ஷன் வந்துச் செல்லும். வெளி உணவுகள், வாயுப் பதார்த்தங்களை தவிர்ப்பது நல்லது. மின்சார சம்பந்தமான வேலை  செய்யறவங்க பாதுகாப்புடன் இருப்பது நல்லது.

ரியல் எஸ்டேட், கமிஷன், எண்ணெய், மண்டிகள் மூலம் லாபம் உண்டு. புது ஏஜென்சி எடுப்பீங்க. பழைய வாடிக்கையாளர்கள் மீண்டும் வருவாங்க. உங்க எண்ணங்கள், திட்டங்கள் எல்லாம் நிறைய முயற்சிக்குப் பின் கூடிவரும். பணி இட மாற்றம் அதிக முயற்சியால் வரும்.

தனுசு (உத்திராடம்,1 ம் பாதம்)

வருடத்தின் பிற்பாதியில் நீங்கள் நினைத்தபடி நிறைய ஆடம்பர பொருட்கள் வீட்டினில் சேரும். அதிகம் பேசுவது ஆபத்தினைத் தரும் என்பதை நீங்கள் உணருவது நல்லது. நம் வீட்டுப் பிரச்னைகளை வெளியில் சொல்வது நல்லதல்ல என்பதை மனதில் கொள்ளுங்கள். வாக்குவாதம், வாக்குறுதி இரண்டையும் தவிர்ப்பது அவசியம். வெளிநாட்டில் வேலை செய்யறவங்க வேறு நாட்டிற்கு மாறுவர்..

சற்று அதிகமாகப் பாடுபட வேண்டியிருந்தாலும் நல்ல முறையில் வருமானமும் சேமிப்பும் உண்டு. ஓடி அலைந்து திரிந்து சம்பாதிப்பீங்க. பொழுது போக்குகளைக்குறைத்துக் கொண்டு முனைந்து பணம் ஈட்டும் ஆர்வம் வரும். இப்போது சேமிக்கும் பணம் பிற்காலத்தில் நன்கு வளரும். உதவும். சில சேமிப்புகளை முதலீடுகளாக்கிப் பயன்பெறுவீங்க.

இடையில் சில மாதங்களுக்குக் குடும்பத்தில் மகிழ்ச்சியான நிகழ்வுகள் ஏற்பட்டுக் களைகட்டும். வயதான பெற்றோர் மூலம் சிறிய அளவில் மருத்துவச் செலவுகள், வந்துபோகும். மனைவி வீட்டில் இருந்து சொத்து, பணம், நகை கிடைக்கும். ‘

முனைந்து படிக்காமல் சற்று காலவிரயம் ஆகும். எனினும் கடைசி நிமிடத்தில் விட்டதைப் பிடிச்சுடுவீங்க. கடைசி நிமிடப் பதற்றத்தைத் தவிர்க்க முதலிலிருந்தே முனைந்து படிக்கலாமே? நண்பர்கள் ஒன்றாய் உட்கார்ந்து படித்து உதவுவாங்க.

உங்க பெயரில் அல்லது கணவருடன்/ மனைவியுடன் இணைந்து சொந்தமாக பிளாட் வாங்குவீங்க. வைர, நகைகள் வாங்கவேண்டும் என்ற உங்க ஆசை நிறைவேறும். தாய், தாய்மாமன், தாத்தா, பாட்டி யின், ஆதரவு கிடைக்கும்.

சிறு உபாதைகளைத் தவிர்க்க முடியாது. ஒருமாதம் போலிருந்தாற்போல் மறுமாதம் இருக்காது. எனினும், கற்பனை பயம் வேண்டாம். மொத்தத்தில் ஹெல்த் நல்ல முறையில் இருக்கும். கவனமாக வாகனம் ஓட்டுங்கள்.

கவர்ன்மென்ட் ஊழியர்களுக்கு இடமாற்றம் வரும். அது உங்க விருப்பத்துக்கேற்றதாக இல்லை என்றாலும் காலப்போக்கில் ரசிப்பீங்க. “உயர்வு தாமதமாகவே வரும். சில மூத்த அதிகாரிகள் மட்டும் உங்களுக்கு முன்னுரிமை தருவாங்க. வேலைச்சுமை கூடும். அதற்கேற்ற வருமானம் பிற்காலத்தில் வரும்.

சக ஊழியர்களுடன் இருக்கும் மனத்தாங்கல்களை உங்க குணத்தால் மெல்ல மாற்றுவீங்க. இரவு பகலாக உழைத்தாலும் அதற்கான அங்கீகாரம் கிடைக்கவில்லையே என வருந்தும் நிலை ஏற்பட்டிருந்த நிலையில் உங்க வருத்தம் தீரும்.

மகரம் (உத்திராடம்,2,3,4 ம் பாதம்)

உங்களை முகஸ்துதி பாடி ஏமாற்றுபவர்களை நல்லவர்கள் என இத்தனை காலம் நம்பினீர்கள். இனி மனிதர்களை இனம் கண்டு கவனமாயிருப்பீங்க.  குடும்பத்தில் சந்தோஷமான பொறுப்புகள் அதிகமாகி உங்களை மகிழ்விக்கும்.  ‘மனதில் நிலவி வந்த லேசான விரக்தி காணாமல் போகும்.

பணவரவு அதிகமாகும். பேச்சின் இனிமை சாதூரியம் இவற்றால் நிதி பற்றி எடுத்த முயற்சிகள் கைகூடும். சம்பாதிப்பதில் நாட்டம் அதிகரிக்கும். பூர்வீக சொத்துக்கள் மூலம் வரவேண்டிய லாபம் தாமதப்படும். இந்த ஆண்டு நிறையப் பயணங்கள் மேற்கொண்டு அதன் மூலம் வருமானம் அதிகரிக்கும். வரும் பணத்தில் பெரும்பகுதி சேமிக்க முயல்வது நல்லது.

தந்தையுடன் அனுசரித்துச் செல்ல ஆரம்பிப்பதால் குடும்பத்தில் நிம்மதி அதிகரிக்கும். பெரியவர்களின் ஆசி கிடைக்கும். குழந்தைகளின் வாழ்வில் சந்தோஷ தருணங்கள் உண்டு. யாரேனும் ஒருவருக்குக் காதல் திருமணம் நிச்சயமாகும். இணக்கமான பாசம் நிலவும்.

வெற்றிகளும் வாய்ப்பும் அதிகரித்து அவை எதிர்கால முன்னேற்றத் திற்கான அடித்தளமாக அமையும். வெளி மாநிலம் அல்லது வெளிநாட்டில் போய்த் தங்க வேண்டியிருக்கும். குளிர் தேசங்களுக்குச் செல்ல வாய்ப்பு உண்டு. திடீர் ஏற்பாடுகள் நிகழும்.

வேலைக்கு செல்லும் இளம்பெண்கள் புதிய இரண்டு சக்கர வண்டி வாங்குவீங்க.பிசினஸ், பகுதிநேர பிசினஸ் மூலம் உபரி வருமானம்  வரும். வாழ்க்கைத்துணைவருக்குப் பக்கபலமாக இருந்து செயல்படுவீங்க.

சிறிய உபாதை வந்தாலும் சரியாகச் சிறிது காலம் பிடிக்கும். அதற்குள் பொறுமை இழக்க வேண்டாம். வழக்கமான மருத்துவரையோ அல்லது மருத்துவ முறையையோ மாற்ற முற்பட்டு நல்ல பலன் பெறுவீங்க.

சில கூடுதல் பொறுப்புக்களை உங்களை நம்பி ஒப்படைப்பாங்க.அவற்றைச் செவ்வனே முடித்து நல்ல பெயர் எடுப்பது உங்க கையில்தான் உள்ளது. பணியில் நேர்மையற்ற செயல் செய்வதற்கு யாரேனும் தூண்டினால், கோடி கொடுத்தாலும் செய்ய வேண்டாம். பிற்காலத்தில் அது வெளிப்படும்.

இயற்கை உணவை எடுத்துக் கொள்ளுங்கள். உடல் நலம் முன்னேற்றம் தருவதாக இருக்கும் வயிறு மற்றும் ஜீரணம் சம்பந்தமான தொல்லைகள் இல்லாதபடி கவனமான முறையில் உணவு உட்கொணடால் பிரச்னை ஏதும் வராது.

மகரம் (திருவோணம்)

பிள்ளைகள் மூலம் இருந்த மன வருத்தம் நீங்கி அவர்களுடன் சந்தோஷமாக வெளியே சென்று வருவீங்க. பெண்களுக்கு புத்திசாலித்தனமான பேச்சின்மூலம் வெற்றி உண்டாகும். கோபத்தாலும் பொறாமையாலும் பிரிந்து சென்றவர்கள் மீண்டும் தேடி வரலாம். இணைப்பது  பற்றி சிந்தித்துப் பிறகு செய்யுங்கள். சந்தோஷ சம்பவங்கள் நிகழும்

பணவரவு முன்பைவிட ஓரளவு திருப்தி தரும். பணியில் இருப்பவர்கள் கடினமாக உழைக்க வேண்டி இருக்கும். அதன் மூலம் நல்ல பலன்கள் கிடைக்கப் பெறுவீங்க. ஓவர் டைம், போனஸ் போன்ற வகைகளில் அதிக வருமானம் ஈட்டுவீங்க. அதை மகிழ்ச்சியுடன் செலவிட்டுவிட வேண்டாம். கொஞ்சமாவது சேமிக்கப்பாருங்கள். இந்த வருடம் செலவும் இருக்கும்.

குடும்பத்தில் ஒற்றுமை உண்டாகும். கணவன், மனைவிக்கிடையே இருந்த இறுக்கமான சூழ்நிலை நீங்கி மகிழ்ச்சி உண்டாகும். இந்த விஷயத்தில் நீங்கள் விட்டுக்கொடுப்பீங்க. ஆனால் உங்க வாழ்க்கைத்துணையும் அதைப் புரிந்த கொள்வதால் ஈகோ பிரச்னை வராது.

அநாயாசமாகப் படித்துவிட்டுப் பொழுதுபோக்கில் கவனம் செலுத்தினால் ஓரளவே பலன் கிடைக்கும். நன்கு முயன்று நல்லபடியாய்ப் படித்தால் அதன் பலனை ஆயுள் முழுக்க மகிழ்ச்சியுடன் அனுபவிக்கப்போகிறீர்கள். நல்ல வேளையாக ஆசிரியர்களுக்கு உங்களைப் பிடிக்கும்.

எதையும் சற்று நிதானித்து யோசித்த பிறகே செய்வது நல்லது. மற்றவர்களுக்கு உதவப்போய் வீண் பிரச்னை உண்டாகலாம். கவனமாக இருங்கள். அலுவலகத்தில் மிகுந்த உயர்வடைவீங்க. பாராட்டுவாங்க.

ஹெல்த் பற்றி அலட்சியம் கட்ட வேண்டாம். சிறிய பிரச்னையைப் பெரிதுபோல் கற்பனை செய்துகொண்டாலும் பரவாயில்லை. அதற்கேற்ற நடவடிக்கை எடுக்க வேண்டும். அஜீரணக் கோளாறுகள் ஏற்படக்கூடும்.

கலைத்துறையினருக்கு நிறைய வாய்ப்புகள் வரும். அதற்கேற்ற வருமானம் வருவது சந்தேகமே. பிசினஸ் அல்லது வியாபாரத்தில் இருந்த தடை நீங்கும். வியாபாரம் தொடர்பான பயணங்கள் செல்ல நேரலாம். பதவி உயர்வுடன் கூடிய மாற்றம் இருக்கும். புதிய நிறுவனத்தில்  நல்ல வேலையில் சேருவீங்க. பணி நிரந்தரம் சம்பந்தமாக நல்ல செய்தி வரும்.

விருப்பமில்லாத இடமாற்றம் இருந்தாலும் அதைக் காலப்போக்கில் விரும்ப ஆரம்பிப்பீங்க. மேலதிகாரியுடன் அவ்வப்போது மனஸ்தாபங்கள் இருந்தாலும் அனுசரித்துப் போய் விஷயத்தைச் சாதித்துக்கொள்வீங்க.

மகரம் (அவிட்டம்,1,2 ம் பாதம்)

கடினமான பணிகளையும் எளிதாக செய்து முடிக்கும் சூழ்நிலை ஏற்பட்டு உதவியும் கிடைக்கும். மனதில் நிம்மதி  உண்டாகும்.  பணவரவு இருக்கும். உடல் ஆரோக்கியத்தில் கவனம் தேவை. வீண் செலவுகள் உண்டாகும். அனைத்திலும் தாமதங்கள் ஏற்பட்டாலும் எதிர்ப்புகள் நீங்கி எடுத்த முயற்சிகளில் வெற்றி பெறுவீங்க.  விடாமுயற்சியுடன் செயல்படுவீங்க.

நீண்ட  தூர பயணங்கள் மூலம் லாபம் கிடைக்கப் பெறுவீங்க. எதிர்பார்த்த உதவிகள் கிடைக்கும். பிசினஸ், வியாபாரத்தில் இருப்பவர்களுக்கு பழைய பாக்கிகள் வசூலாகி நிதிநிலை உயரும். கடன் பிரச்னைகள் குறையும். பலனடைவதற்குமுன் சோர்வு ஏற்பட்டாலும் பிறகு மகிழ்ச்சி வரும்.

தான் உண்டு, தன் வேலை உண்டு என்று இருப்பது உத்தமம். விமர்சனங்கள், வாக்குவாதம், வாக்குறுதி  வேண்டாம். குடும்பத்தில் இருப்பவர்கள் வீண் வாக்குவாதங்களில் ஈடுபடலாம். வெல்ல நினைப்பதைவிட குடும்ப அமைதியைக் காக்க நினைப்பது முக்கியம்.

வெற்றி பெற நிறையப் பாடுபட வேண்டும். ஞாபக மறதியை வெற்றி கொள்ள தீவிர பயிற்சி தேவை. இயற்பியல், மெக்கானிக்கல், எலக்ட்ரிகல், எலக்ட்ரானிக்ஸ் துறை ஸ்டூடன்ட்ஸ் முன்னேற்றத்தினைக் காண்பாங்க.

பிறந்த வீட்டினரின் அன்பால் திக்குமுக்காடிப்போவீங்க. ஈகோவை சற்றுத் தள்ளி வைக்க வேண்டும். ரகசியம் காப்பாற்றிக் குடும்பத்திற்கு நல்ல பெயர எடுத்துக் கொடுப்பீங்க. புகுந்த வீட்டினரின் பாராட்டுக் கிடைக்கும்.

முன் ஜாக்கிரதை தேவை. சருமம் சம்பந்தமான சிறு தொல்லைகள் ஏற்பட வாய்ப்பு உள்ளது. உரிய சிகிச்கைமூலம் குணமடைவீரகள். நீங்கள் நினைத்த வேகத்தில் சரியாகாவிட்டாலும் முற்றிலும் சரியாகும்.

நீங்களாகக் கற்பனை செய்து கொண்ட பிரச்னைகளால் அலைச்சல், சோர்வு, விரக்தி ஏற்பட அனுமதித்துக் கொள்ளாதீர்கள்.. விருப்ப ஓய்வு பெறுவது சம்பந்தமான எண்ணங்கள் மனதில் உதயமாகும். தொழிற்சங்க  விஷயங்களில் அதிக இன்டரஸ்ட் காட்டாமல் இருப்பது உத்தமம்.

குடும்பத்தில் அமைதியும், கருத்து வேறுபாடு கலந்து இருந்தாலும், கூடுதலாக மகிழ்ச்சி தவழும். கல்யாணம் போன்ற சுப நிகழ்ச்சிகள் இல்லத்தில் நடைபெறுவதில் இருந்த தடைகள் அகலும். உங்களுக்கோ, உங்க உடன்பிறப்புகளுக்கோ, உங்க குழந்தைகளுக்கோ திருமண முயற்சியில் தடைகளும், தாமதங்களும், தடுமாற்றங்களும் ஏற்பட்டிருந்தால் அது இனிமாறும். குடும்பத்திலிருந்து பிரிந்து போனவர்கள் மீண்டும் வந்து இணைய வாய்ப்பு உள்ளது. அல்லது குறைந்தது அவர்கள் அதற்கு வருந்தி உங்களுடன் நல்லுறவு கொண்டாடுவாங்க. குழந்தைகள் பெற்றோரின் அன்பைப் புரிந்த கொள்வாங்க.

கும்பம் (அவிட்டம்2,3 ஆம் பாதம் )

பொதுவாக எந்த ஒரு விஷயத்திலும் உடனடியாக முடிவெடுப்பது சிரமத்தினைத் தரக்கூடும். எதையும் நன்கு ஆராய்ந்து செயல்படுவது நல்லது. சந்தேகம் ஏற்பட்டால் பெரியவர்களுடன் கலந்து ஆலோசித்து பின்னர் முடிவெடுத்துச் செயல்படுவது நலம். அவசர வாக்குறுதியை நிறைவேற்ற இயலாமல் போகலாம். கவனத்துடன் பேசுவது நல்லது.

வரவு நிலை அதிகரிக்கக் காண்பீங்க. பொருள் வரவு நல்லா இருந்தாலும் அவசரத் தேவைக்கு எடுத்து உபயோகிக்க இயலாது. கண்ணுக்குத் தெரியாத அளவில் சேமிப்பாக உயருமே தவிர அன்றாட செலவுகளுக்கு சற்று சிரமம் காண வேண்டியிருக்கும்.

குடும்ப உறுப்பினர்களுக்கிடையே ஒற்றுமை ஏற்படுத்துவதில் முக்கியப் பங்கு ஆற்றுவீங்க. உடன்பிறந்தோருடன் இருந்து வந்த கருத்து வேறுபாடுகள் நீங்கி நல்லுறவு உண்டாகும். குடும்பத்தில் உள்ள பெண்களால் மகிழ்ச்சியும் பெருமிதமும் ஏற்படும்.

நண்பர்களோடு இணைந்து மேற்கொள்ளும் கூட்டுப் பயிற்சியும் அதிக நன்மை தரும். காமர்ஸ், எக்கனாமிக்ஸ், ஆடிட்டிங், அக்கவுன்டன்ஸி, கணிதம், ஆகிய துறைகளில் அதிக கவனம் செலுத்த வேண்டியது அவசியம். போட்டித் தேர்வுகளுக்குக் கூடுதல் பயிற்சி தேவை.

எந்த ஒரு விஷயத்தையும் வாழ்க்கைத்துணைவரின் ஆலோசனையின் பேரிலும், குடும்பப் பெரியவர்களின் ஆலோசனையின் பேரிலும் செய்து வருவது நல்லது. குடும்பத்திற்காக உழைத்து நற்பெயர் பெறுவீங்க.

குரு பார்வை காரணமாக எந்த ஆரோக்யப் பிரச்னையும் அநாயாசமாகச் சமாளித்துவிடுவீங்க. பெரிய தொல்லை என்று எதுவும் வராது. ஜீரணத் தொல்லை ஏற்பட்டாலும் தற்காலிகமாகத்தான் இருக்கும். மன நிம்மதி உண்டு.

பிசினஸ் போட்டிகளை விலக்குவதற்கு நேர்மையான முறையை மட்டுமே பின்பற்றுங்கள்.. வேலை தேடுபவர்களுக்கு வேலை கிடைக்கும். நங‘கஙள நினைத்த சம்பளம் கிடைக்கப் பொறுமை தேவை. பணியில் இருப்பவர்களுக்கு இருந்து வந்த மறைமுகமான எதிர்ப்புகள் விலகும்.

முன்பைவிட இப்போது உங்க உழைப்புக்கு நல்ல பலன் உண்டு. உங்களைப் புரிந்த கொள்ளாத டீச்சர்ஸ் இப்போது உங்களைக் கருணையுடன் பார்ப்பதோடு உதவிகரமாகவும் முன்வருவார். அவரது அன்பையும் ஆதரவையும் பெறுவீங்க. இதனால் இத்தனை காலம் காணாமல் போயிருந்த தன்னம்பிக்கை மீளும்.

வீண் பேச்சைத் தவிர்த்து வம்புக்காரர்களிடமிருந்து விலகும் அளவு வாழ்க்கையைக் கற்பீங்க.  கோபத்தை கைவிடப்போகிறீர்கள். நன்மைகள் கூடுதலாகும். விட்டுப்போன உறவுகள் கைகூடும். இதனால் பலகால ஏக்கம் தீரும். உங்க துணை உங்களைப் புரிந்து கொண்டு, உங்களுக்கு ஆறுதலைத் தருபவராக இருப்பார்.

கும்பம் (சதயம்)

பொதுவாகவே முன்பைவிட உங்களின் செயலில் வேகம் கூடும். பழைய பிரச்னைகளுக்கு மாறுபட்ட அணுகுமுறையால் தீர்வு காண்பீங்க. உறவினர்கள் மதிப்பாங்க. எதிர்பாராத வகையில் நீங்கள் மிக மதிக்கும் நபரின் ஆதரவு கிட்டும். ஆண்டின் துவக்கத்தில் இருந்த சோர்வு போகப்போக நீங்கி நிம்மதி கூடுதலாகும்.

பற்றாக்குறை என்று எதுவும் இருக்காது. அப‘ரிமித ஓட்டமும் இருக்காது. மேமாதம் முதல் ஒரு சில மாதங்களுக்கு மட்டும் விரைவாகச் செல்வம் பெருகும். அதை நல்ல முறையில் பயன்படுத்திக்கொள்வது நல்லது. ஒவ்வொரு முறையும் தாமதமாகக் கிடைத்தாலும் பணவரவில் ஏமாற்றம் இருக்காது.

குடும்ப விவகாரங்களில், எந்த ஒரு விஷயத்திலும் அவசரப்படாமல் நிதானித்துச் செயல்பட்டு வெற்றி காண்பீங்க. குடும்பத்‘தை அரவணைத்துப் போவீங்க. பிள்ளைகளிடம் லேசான கண்டிப்புக்காட்ட வேண்டியது அவசியம். அது கடுமையான கண்டிப்பாக வேண்டாம்.

எஞ்சினீயரிங் ஸ்டூடன்ட்ஸ் அலட்சியமின்றிப் படித்தால் நீங்கள் எதிர்பார்த்ததைவிடவும் சிறந்த முறையில் வெற்றிபெறுவீங்க. டாக்டரேட் செய்யறவங்க ஜமாய்ப்பீங்க. மருத்துவப்படிப்பில் சேர்ந்தவர்கள் சிரமப்பட்டுப் படித்து  சாதனைகள் செய்வீங்க.

நிதானமே முக்கியம் என்பதை நினைவில் கொண்டு செயல்பட்டால் நிம்மதி உறுதி. பணி செய்யும் பெண்களுக்கு. வெற்றி தரும் ஆண்டாக இது அமையும். பொறாமை காரணமாகப் பகைகொண்டு விலகுபவரைக் கண்டுகொள்ள வேண்டாம். போகட்டும் என்று விட்டுவிடுங்கள்.

கடந்த ஆண்டு இருந்த கவலைதரும் நிலைமை மாறி மனதில் நம்பிக்கை வருமளவுக்கு ஹெல்த் மேம்படும். தலைவலி போன்ற தற்காலிகப் பிரச்னைகள் ஏற்பட்டு, கண் பரிசோதனைக்குப் பின் சரியாகும்.

சக ஊழியர்கள் மூலம் ஏற்பட்டுக்கொண்டிருந்த தொல்லை தன்னிச்சையாய் முடிவுக்கு வரும் .  ஃபாரின் சம்பந்தமுடைய பணி மற்றும் பிசினஸ்கள், ஏற்றுமதி, இறக்குமதி, இரும்பு, சிமெண்ட் போன்ற பிசினஸ்களில் உள்ளோர் முன்னேற்றம் காண்பாங்க. சமையல் கலைஞர்கள், டாக்டர்ஸ் உழைப்பால் முதல் இடத்தினைப் பிடிப்பாங்க.

பணியாளர்களுக்குப் பணிச்சுமை இருந்தாலும், சரியான நேரத்தில் முடித்து மேலதிகாரிகளிடம் நற்பெயரைப் பெறுவீங்க. சம்பளம், பதவி உயர்வு கிடைக்க வாய்ப்புள்ளது. பணியிடத்தில் நல்ல பெயர் எடுக்க ஆரம்பத்தில் செய்யும் முயற்சிகள் பலிக்காமல் சோர்வு ஏற்படும்போது ஒ‘ரு அதிகாரி உங்களைப் புரிந்து கொள்வதால் மற்றவர்களுக்கும் புரியும்.

கும்பம் (பூரட்டாதி,1,2,3 ம் பாதம்)

பொதுவாக இந்த ஆண்டு பொறுப்புகள் அதிகரிக்கும். பணிச்சுமை நாளுக்கு நாள் கூடும். எனவே அவ்வப்போதைய பணிகளை உடனுக்குடன் முடித்துவிடுவது நல்லது. ராசிநாதன் குரு பகவானின் சாதகமான சஞ்சார நிலை வெற்றிக்குத் துணை நிற்கிறது. புதிய சொத்து வாங்குதல், சேமிப்புகளில் ஈடுபடுதல் போன்ற சாதகமான பலன்களைக் காண்பீங்க.

செலவுகள் கூடியிருப்பதாக உணர்வீங்க. ஆனால் வருமானம் நிறையக் கூடியிருப்பதையும் காண்பீங்க. கையில் ரொக்கமாக சேமித்து வைக்காமல் அசையாச் சொத்துக்களாக சேமிப்பினை உருமாற்றம் செய்ய இயலும்.. நல்ல ஆலோசனை பெற்று  கவனமாக ஷேர்கள் வாங்கலாம்.

குடும்பத்தை விட்டு பிரிந்திருப்போர் இந்த வருடத்தில் தங்கள் குடும்பத்தினருடன் இணைவாங்க. வாழ்க்கைத்துணை உங்க வெற்றிக்குத் துணை நிற்பார். எனவே அவரோடு உங்க எண்ணங்களை பரிமாறி மனம் விட்டுப்பேசுவீங்க. இதனால் ஒன்றுமை பலப்படும்.

தடைக்குப் பின் சாதனை உண்டு.  பொறுவாகவே இந்த ஆண்டு மகிழ்ச்சி நிறைந்த வெற்றிகள் தரும். அதிலும் நிதி சம்பந்தமாகப் படிப்பவர்கள் மற்று ரிஸர்ச் செய்யறவங்க மேலும் அதிக வெற்றி பெறுவீங்க. அக்கவுன்ட்ஸ் மற்றும் காமர்ஸ் படிப்பில் சிறக்க முடியும்.

பணம் சார்ந்த முக்கியமான விவகாரங்களில் தனித்துச் செயல்பட்டு வெல் வீங்க. அடுத்தவர்களின் குடும்ப விவகாரங்களில் நன்மை புரிந்து மதிப்பை அதிகரித்துக் கொள்வீங்க. அதிகம் பேசாது சாதித்து வெற்றி பெறுவீங்க.

ஹெல்த் மேம்படும். கடந்த ஆண்டு மாற்றி மாற்றி உடல் நலக் கோளாறு ஏற்பட்டு பயமுறுத்திய நிலை மாறி நல்ல வலுவுடன் செயல்பட்டு நிம்மதி காண்பீங்க. அதிக வேகமும் பரபரப்பும் வேண்டாம்.

நேர்மையான உழைப்பின் காரணமாக செய்யும் பணியில் பெருமை உருவாகும். உத்யோகஸ்தர்கள் அலுவலகத்தில் ஞாபகமறதியின் காரணமாக சிறு தொல்லைகள் ஏற்பட்டு சிரமப்பட நேரலாம். ஆயினும் நீங்கள் சம்பாதித்திருக்கும் நற்பெயர் உங்களுக்குத் துணை நிற்கும்

எதிரிகளின் தொல்லை நீங்கி நட்பு அதிகரிக்கும். திருமணம் உள்ளிட்ட சுப நிகழ்ச்சிகள் நிகழ்வதால் அற்புத ஆண்டாக இருக்கும். உங்க ஜென்ம ராசியை குரு பார்ப்பதால் உங்க புகழ், அந்தஸ்து, கௌரவம். மதிப்பு, மரியாதை, உயரும். தெய்வ அனுகூலம் காரியசித்தி, பூர்வீக சொத்துகள் ஆகியவற்றால் நல்ல பலன்கள் கிடைக்கும்.

மீனம் (பூரட்டாதி, 4 ம் பாதம்)

பொதுவாக இவ்வருடம் உங்களுக்கு முன்னேற்றம் தரும் வகையில் அமைந்துள்ளது. முக்கியமான பணிகளில் சரியான துணையுடன் இணைந்து செயல்படுவதால் ஒத்துழைப்பு அதிகரிக்கும் அவசரமின்றி நிதானத்துடன் செயல்படுவீங்க. இது உங்க வெற்றியை உறுதி செய்கிறது. இது உங்களுக்கு உயர்வு தரும் வருடமாக அமைந்துள்ளது.

உங்களின் நிதி நிலைமையைப் பார்க்கும்போது மனதில் நிம்மதியும் மகிழ்ச்சியும் அதிகரிக்கும்.  வழக்கமான வருமானத்தைவிட இந்த ஆண்டு சில சமயங்களில் ஓரிரு கூடுதல் வருமானங்களும் இருக்கும். சிலர் வேறு பணிக்கு மாறுவதன் மூலம் சம்பளம் கூடப் பெறுவீங்க.

ஃபேமிலி தொடர்பாக நீங்கள் நினைக்கும் விஷயங்களை எளிதில் நடத்தி முடிக்கும் சாதகமான நிலை உள்ளது. தைரியமும், தன்னம்பிக்கையும் உங்க செயல்களில் வெற்றியினைப் பெற்றுத் தரும். குடியிருக்கும் வீட்டினில் மாறுதல் செய்ய முற்படுவீங்க.

சென்ற ஆண்டு விரும்பிய கல்வி கிடைக்காமல் சற்று ஏமாற்றமடைந்திருநதவர்கள் அதே துறையில் முயன்று அருமையான வெற்றி பெறுவீங்க. அநாயாச முயற்சியிலேயே வெற்றி பெறும் அளவுக்கு மனம் குவிந்து, கல்வியில் இன்டரஸ்ட் அதிகரிக்கும்.

தாய்வழி உறவினர்களால் புதிய நன்மைகள் கிடைக்கும். வாழ்க்கைத்துணைவருடன் இணைந்து குடும்ப சலசலப்புகளைக் களைவீங்க. அண்டை அயலார் மத்தியில் பெருமிதம் உயரும்.

ஹெல்த் பற்றிய விழிப்புணர்வுடன் கவனமாக உடற்பயிற்சி மற்றும் உணவுப்பழக்கங்களை மேற்கொள்பவருக்கு எந்தவிதமான தொல்லையும் அண்டாது. மிகச் சிறிய அளவில் ஏற்படும் சிரமங்கள் உடனக்குடன் தீரும்.

சிறுபிசினஸ் செய்வோர் அதிக உழைப்பினை வெளிப்படுத்தி குறைந்த லாபத்தினைக் கண்டு வருவாங்க. உயர்பதவியில் உள்ளோர் பணியாட்களுக்காகக் காத்திராமல் தாங்களே சில வேலைகளைச் செய்ய வேண்டியிருக்கும். பிசினஸ் செய்வோர் நல்ல லாபம் அடைவாங்க. உழைப்புக்கு மிஞ்சிய ஊதியமும் போனஸும் கிடைத்து மகிழ்வீங்க.

எதிரிகளின் தொல்லை நீங்கி நட்பு அதிகரிக்கும். திருமணம் உள்ளிட்ட சுப நிகழ்ச்சிகள் நிகழ்வதால் அற்புத ஆண்டாக இருக்கும். உங்க ஜென்ம ராசியை குரு பார்ப்பதால் உங்க புகழ், அந்தஸ்து, கௌரவம். மதிப்பு, மரியாதை, உயரும். தெய்வ அனுகூலம் காரியசித்தி, பூர்வீக சொத்துகள் ஆகியவற்றால் நல்ல பலன்கள் கிடைக்கும்.

மீனம் (உத்திரட்டாதி)

பொதுவாக,  செயல்களில் நிதானமும் பக்குவமும் கூடியிருக்கும். சுய உழைப்பினால் உயர்வினைக் காண இயலும். அதிர்ஷ்டம் ஓரிரு முறை துணை செய்து வியக்க வைக்கும். இவ்வருடத்தினை சந்தோஷமாகக் கடப்பீங்க. சிலர் புதிய வீடு அல்லது ஃப்ளாட் வாங்குவீங்க. வெளி மனிதர்களால் ஏற்பட்டிருந்த மன உளைச்சல் நீங்கி வீட்டில் மகிழ்ச்சி வரும்.

சென்ற சில வருடங்களைவிட நிறைய வருமானமும் நல்ல சேமிப்பும் பெருகும். புதிய வழிகளில் முதலீடு செய்யும் ஆலோசனைகள் கிடைக்கும். வரிகளைச் சரியாகக் கட்டுவது நல்லது. உழைப்பினால் ஊதியம் பெருகும். சரியான வகையில் ஆலோசனைகள் கிடைக்கும்.

பிள்ளைகளின் வாழ்வினில் சுபநிகழ்வுகளுக்கான வாய்ப்பினைக் காண்பீங்க. அண்டை வீட்டாருடன் அனுசரித்துச் செல்வதன் மூலம் உயர்வு ஏற்பட்டு மகிழ்வீங்க. சொந்த ஊரை விட்டு வெளியேறியவர்கள் மீண்டும் இவ்வருடத்தில் தங்கள் தாய்மண்ணைச் சென்றடைவாங்க.

நன்கு உழைப்பதற்கு உந்து சக்திகள் கிடைக்கும்.  பெரியவர்களின் ஆசியும் டீச்சர்ஸின் உதவியும் கிடைக்கும். பணம் கட்டுவதற்கு ஸ்காலர்ஷிப்/ லோன் கிடைக்கும். வெளியூரில் தங்கிப் படிக்க வேண்டியிருககலாம். மேல்படிப்பில் விரும்பிய சீட் கிடைக்கும்.

மனதில் மகிழ்ச்சி நிறையும். சிறு பயணங்கள் மூலம் மனதுக்குப் பிடித்தவர்களை நெருங்குவீங்க. திருமணமான பெண்களுக்குக் கணவர் வீட்டு மனிதர்களின் ஆதரவுடன் அலுவல முன்னேற்றம் சாத்தியமாகும்.

நல்ல பழக்கங்கள் இருப்பவர்களுக்கு அற்புதமான ஹெல்த் நிலவும். அல்லாதவர்கள் மாற்றிக்கொள்ள முயற்சி செய்வது நல்லது. பெரிய அளவில் வைத்தியம் தேவைப்படாமல்      சுலபமாக குணமடைவீங்க.

உணவுப் பொருட்கள் வியாபாரம், குளிர்பான விற்பனை, தோல்பொருட்கள் ஏற்றுமதி, செல்போன், சிம்கார்டு விற்பனை ஆகிய பிசினஸ்களை செய்யறவங்க முன்னேற்றம் காண்பாங்க. உங்களின் தனித்திறமையை வெளிப்படுத்தி அலுவலகத்தில் உங்களுக்குரிய அங்கீகாரத்தினைப் பெறுவீங்க.

பிசினஸ், வணிகத்தில் சாதகமான பலன்களைப் பெறுவீங்க. வேலைக்கு செல்பவர்களுக்கு பல்வேறு வாய்ப்புகளும், சாதகமான பலன்களும் கிடைக்கும். உங்களின் வளமும், சக்தியும் அதிகரிக்கும். புதிய வேலை வாய்ப்புகளும் உண்டாக வாய்ப்புள்ளது. வெளிநாடு, வெளியூர் வேலைக்கு முயற்சிப்பவர்களுக்கு அவர்கள் விரும்பிய நல்ல செய்தி கிடைக்கும். பணியாளர்கள் சில கடுஞ்சொல் சந்திக்க நேரிடும். இருப்பினும். உங்க வேலையை சரியாக செய்து வருவதால் பேசியவர்கள் வருந்தி மன்னிப்புக் கேட்பாங்க. அவசரப்பட்டு பதிலடி தர வேண்டாம்.

மீனம் (ரேவதி)

ஆன்மிக இன்டரஸ்ட்,  பொது நல சேவை ஆகியவை மனதில் குடிபுகும். பெரியவங்க கருத்துக்களுக்கு முக்கியத்துவம் அளித்துச் செயல்படுவீங்க. அடுத்தவங்களுக்கு உதவி செய்து மனநிம்மதி காண்பீங்க. உறவினர்கள் மற்றும் நண்பர்கள் மத்தியில் உங்க மீதுள்ள மதிப்பும் மரியாதையும் அதிகரிக்கும். உழைப்பு அதிகமாகும்.

எடுக்க எடுக்க வளரும்படியாக நிதி வசதி கூடும். அதை முறையாகவும் கவனமாகவும் முதலீடு செய்தால் எதிர்காலம் சிறக்கும்.  நீங்கள் உழைப்புக்கு எதிர்பார்க்கும் பலனைவிட அதிக ஊதியம் கிடைத்து மகிழ்விக்கும். முதலீட்டைப் பல வகைகளில் பிரித்து வளம் காண்பீங்க.

பல காலம் கழித்து வந்து இணையும் உறவினரால் குடும்பத்தில் மகிழ்ச்சி உண்டாகும். வெளிநாட்டில் உள்ள குழந்தைகளின் வாழ்வில் முன்னேற்றம் இருக்கும். வீடு மாறுவதன் மூலம் அதிர்ஷ்டம் அதிகரிக்கும். உடன்பிறந்தவர்களின் ஆதரவு காரணமாக நன்மையும் மகிழ்ச்சியும் வரும்.

இந்த ஆண்டு குறிப்பிடத்தக்க மாற்றம் ஒன்று உண்டு. உங்க சாதனைகள்மூலம் பெற்றோருக்கு நிம்மதியும் சந்தோஷமும் வரும். வருடக் கடைசியில் மேடை ஏறிப் பிரைஸ்கள் வாங்க வாய்ப்புள்ளது. மேல்படிப்பு மற்றும் ஆராய்ச்‘சிப்படிப்பில் சிறந்து விளங்குவீங்க.

அலைச்சல், மன உளைச்சல், ஏமாற்றம் போன்றவை விலகும். படிப்படியாக அதிர்ஷ்டம் கூடி வரும்.  குடும்ப விசேஷம் காரணமாக எல்லோரும் மகிழ்ச்சியாகக் கூடி மகிழ்வீங்க. பிசினஸ் சிறக்கும்.

கடந்த ஆண்டு எதிர்பாராத சில சிரமங்கள் ஏற்பட்டிருந்தாலும் பயந்த அளவு பிரச்னைகள் வந்திருக்காது. இந்த ஆண்டு அதைவிடச் சிறப்பான ஹெல்த் நிலவும். உணவுப் பழக்கங்களில் மாறுதல் செய்து நன்மையடைவீங்க.

சாதகமான மாற்றங்கள் வரும். இடையில் வேலையில்லாமல் திண்டாடியவர்கள் நல்ல வேலையில் சேருவீங்க. கவர்ன்மென்ட்ப் பணியில் இருப்பவர்களுக்கு பதவி உயர்வு வரும். வெளிநாட்டில் வேலை கிடைக்கும். பெரிய தொகை கைக்கு வரும். புதிய துறை ஒன்றில் கூடுதலாக ஈடுபட வேண்டியிருக்கும். எந்த உழைப்பும் ஏமாற்றாது.

எதையும் வெல்லும் தன்னம்பிக்கையும் தைரியமும் கைவரப்பெறுவீங்க. வாக்கு வன்மையால் எல்லா நன்மைகளும் கிடைக்க பெறுவீங்க. தனிப்பட்ட பணவரவு மனதிருப்தியை தரும். சேமிப்பு அதிகரிப்பதால் நம்பிக்கையும் அதகரிக்கும். புதிய நபர்களின் அறிமுகம் அவர்களது நட்பும் கிடைக்க பெறுவீங்க. எதிலும் முன்னேற்றம் காணப்படும்.

சரியான நேரத்திற்கு சாப்பிட்டு சரியான நேரத்திற்கு தூங்கி உடல்நலனை காப்பாத்திக்கிட்டா பிரச்னை ஏதும் வராதுங்க. உடல்நலம் சரியாக சிறிதுகாலம் எடுத்துக்கொண்டாலும் நல்ல முறையில் சீராகும் டோன்ட் ஒர்ரி.

••••முற்றும்••••

‘பிலவ’ தமிழ்ப்புத்தாண்டு: மேஷம், ரிஷபம், மிதுனம், கடகம் ஆகிய ராசிகளுக்கு உரிய நட்சத்திர பலன்கள்! வேதாகோபாலன்

 

‘பிலவ’ தமிழ்ப்புத்தாண்டு: சிம்மம், கன்னி, துலாம், விருச்சிகம் ஆகிய ராசிகளுக்கு உரிய நட்சத்திர பலன்கள்! வேதாகோபாலன்