Random image

தடுப்புகாவல் முகாமுக்காக ரூ.46 கோடி ஒதுக்கினார்: மோடியின் மூக்குடைத்த அசாம் முன்னாள் முதல்வர்

கவுஹாத்தி:

நாட்டிலேயே பெரிய தடுப்பு காவல் முகாம் அமைக்க ரூ.46 கோடியை பாஜக அரசு ஒதுக்கியதாக அஸ்ஸாம் முன்னாள்  காங்கிரஸ் முதல்வர் தருண் கோகாய் குற்றம் சாட்டி உள்ளார். இது பரபரப்பை ஏற்படுத்தி உள்ளது.

சமீபத்தில் நிகழ்ச்சி ஒன்றில் பேசிய பிரதமர் மோடி, நாட்டில் அகதிகளுக்காக எங்கும் தடுப்பு முகாம்கள் அமைக்கப்படவில்லை என்றும், இது தொடர்பாக எதிர்க்கட்சிகள் பொய் சொல்லி வருகிறார்கள் என்று குற்றம் சாட்டிய நிலையில், மோடி சொல்வதுதான் பொய் என்று முன்னாள் காங்கிரஸ் தருண் கோகாய் மோடியை குட்டை உடைத்துள்ளார். இது பரபரப்பை ஏற்படுத்தி உள்ளது.

தனது தலைமையிலான ஆட்சியின்போது, கவுகாந்தி  உயர் நீதிமன்ற உத்தரவின் படி மாநிலத்தில் தடுப்பு முகாம்களை அமைத்துள்ளதாகவும், இதற்கு மத்திய அரசு ரூ.46 கோடி ஒதுக்கியதாகவும்  தருண் கோகோய் தெரிவித்து உள்ளார்.

பிரதமர் நரேந்திர மோடியை “பொய்யர்” என்று கூறியவர், ஏற்கனவே மறைந்த முன்னாள் பிரதமர் அடல் பிஹாரி வாஜ்பாய் அரசுதான்   இந்தியாவில் சட்டவிரோதமாக நுழைந்ததற்காக சிறைத் தண்டனையை நிறைவு செய்த வெளிநாட்டினரை தங்க வைப்பதற்காக தடுப்பு முகாம்களைக் கட்டும் யோசனையை முதலில் கொண்டு வந்தது என்றால்.

“சட்டவிரோதமாக 3,000 குடியேறியவர்களை தங்க வைப்பதற்காக அசாமின் கோல்பாரா மாவட்டத்தில்  மிகப்பெரிய தடுப்பு மையத்தை நிர்மாணிப்பதற்காக நரேந்திர மோடி அரசு ரூ .46 கோடியை 2018ல் அனுமதித்தது.

ஆனால்,  தற்போது, திடீரென்று, தடுப்பு முகாம் இல்லை என்று மோடி கூறுகிறார்… இது மோடி ஒரு பொய்யர் என்பதைக் காட்டுகிறது ”என்று கோகோய் வலியுறுத்தினார்.

அஸ்ஸாமில் இந்த தடுப்பு முகாம்கள் காங்கிரஸால் அமைக்கப்பட்டதாகவும்,  ‘வெளிநாட்டினர்’ என்று அறிவிக்கப்பட்டவர்களை தடுத்து வைக்க கவுகாத்தி உயர் நீதிமன்றத்தின் உத்தரவின்படி நாங்கள் அவர்களை அமைத்தோம், அசாமில் இருந்து சட்டவிரோதமாக குடியேறியவர்களை நாடுகடத்துவதில் இருந்து பாஜக அரசை யாரும் தடுக்கவில்லை என்றும் தருண் கோகாய் கூறினார்.

“சட்டவிரோத குடியேறியவர்களுக்கு காங்கிரஸ் பொறுப்பு என்று முதலமைச்சர் சர்பானந்தா சோனோவால் குற்றம் சாட்டினார். அப்டிபயானால், “நீங்கள் ஏன் அவர்களைக் கண்டுபிடித்து நாடு கடத்தக்கூடாது? என்று கேள்வி எபப்பியவர், “சட்டவிரோதமாக குடியேறியவர்கள் நாடு கடத்தப்படுவார்கள் என்று பிரதமர் நரேந்திர மோடி மற்றும் மத்திய உள்துறை அமைச்சர் அமித் ஷா இருவரும் உறுதியளித்திருந்தனர். நீங்கள் ஏன் அவர்களை அடையாளம் காணவில்லை? உங்களைத் தடுத்தவர் யார்? அசாமில் உள்ள தனது குடிமக்களின் உண்மையான பட்டியலை பங்களாதேஷ் விரும்புகிறது, அது அவர்களை ஏற்றுக் கொள்ளும் என்று கூறுகிறது, ”என்றும் கடுமையாக விமர்சித்தார்.

“மாநில அரசு மையத்திற்கு அடிபணிந்து செயல்பட்டு வருவதால்” அசாம் CAA க்கு எதிரான ஆர்ப்பாட்டங்களால் உலுக்கியதாகவும், சோனோவால் மற்றும் அவரது அமைச்சரவை சகாக்களான ஹிமந்தா பிஸ்வா சர்மா மற்றும் சந்திர மோகன் படோவரி ஆகியோரை இந்த நிலைமைக்கு குற்றம் சாட்டியதாகவும்,  “2016 க்குப் பிறகு அசாமுக்கு வரும் அனைத்து வெளிநாட்டினரும் (மாநிலத்தில் பாஜக ஆட்சிக்கு வந்தபோது) களையெடுப்பதாக பிரதமர் உறுதியளித்திருந்தார். ஆனால், அவர்களை நாடு கடத்துவதற்கு பதிலாக, அதிகமான வெளிநாட்டினரை அழைத்து வர பாஜக அரசு CAA ஐ அறிமுகப்படுத்தியுள்ளது, ”என்றார்.

பிரதமர் நரேந்திர மோடி தனது தவறான பிரச்சாரத்தின் காரணமாக நம்பகத்தன்மையை இழந்து வருவதாகவும், மகாராஷ்டிரா மற்றும் ஜார்க்கண்டில் பாஜகவின் தேர்தல் தோல்விகளை சுட்டிக்காட்டிய கோகோய் தனது கருத்தை உறுதிப்படுத்தினார்.