டெல்லி: ஆசிரியர் தினத்தை முன்னிட்டு, நாடு முழுவதும் இருந்து தேசிய நல்லாசிரியர் விருதுக்கு தேர்வு செய்யப்பட்ட 2 தமிழக ஆசிரியர்கள் உள்பட 47 ஆசிரியர்களுக்கு இந்திய குடியரசுத்தலைவர் ராம்நாத் கோவிந்த் காணொளி காட்சி வாயிலாக விருதுகளை வழங்கி கவுரவித்தார்.
இளைய சமுதாயங்கள் வாழ்வில் ஒளியேற்றி வைக்கும், ஆசிரியர்களை கவுரவிக்கும் வகையில் ஆண்டுதோறும் ஆசிரியர் தினத்தன்று தேசிய நல்லாசிரியர் விருது வழங்கப்பட்டு வருகிறது. இந்த ஆண்டு, தேசிய ஆசிரியர் விருதுக்கு 47 பேர் தேர்வு செய்யப்பட்டனர். அவர்களில், சென்னை அசோக்நகர் மகளிர் மேல்நிலை பள்ளி தலைமை ஆசிரியர் ஆர்.சி.சரஸ்வதி, விழுப்புரம் மாவட்டம் சத்தியமங்கலம் அரசு மேல்நிலைப்பள்ளி ஆசிரியர் எஸ்.திலீப்பும் அடங்குவர்.
இந்த நிலையில், ஆசிரியர் தினமான இன்று நல்லாசிரியர் விருது அறிவிக்கப்பட்ட ஆசிரியர் களுக்கு ஜனாதிபதி ராம்நாத் கோவிந்த் விருதுகளை வழங்கி கவுரவித்தார்.
டெல்லி ஜனாதிபதி மாளிகையில் நடைபெற்ற விழாவில் காணொலி வாயிலாக விருதுகளை வழங்கினார். இதில், தமிழகத்தைச் சேர்ந்த ஆசிரியர் ஆர்.சி.சரஸ்வதி, எஸ்.தீலிப் உள்பட 47 பேர் விருது பெற்றனர்.