குடியுரிமைச் சட்டத்தை அமல்படுத்த மாநிலங்கள் தவறினால் ஜனாதிபதியின் ஆட்சி கொண்டுவரப்படும் : பாஜக எம்.பி.

ஹோஷங்காபாத்:  ஜனவரி 4 ம் தேதியன்று குடியுரிமை திருத்தச் சட்டத்தை (சிஏஏ) எதிர்க்கும் மாநிலங்களில் ஜனாதிபதியின் ஆட்சியை திணிக்க முடியும் என்று பாரதீய ஜனதா கட்சி எம்.பி. உதய் பிரதாப் சிங் தெரிவித்தார்.

“CAA ஐ எதிர்க்கும் மாநில அரசாங்கங்களை அகற்றிவிட்டு ஜனாதிபதியின் ஆட்சியை அங்கு திணிக்க முடியும்” என்று கூறிய சிங், சட்டத்தை செயல்படுத்த மாநில அரசுகள் கடமைப்பட்டுள்ளன என்றும் தெரிவித்தார். CAA ஐ நடைமுறைப்படுத்தாவிட்டால் அரசாங்கங்களை பதவி நீக்கம் செய்ய அரசியலமைப்பின் 356 வது பிரிவின் கீழ் ஜனாதிபதி தனது அதிகாரங்களை பயன்படுத்த வேண்டும் என்றும் கூறினார்.

இந்திய அரசியலமைப்பின் 356 வது பிரிவு எந்தவொரு மாநிலத்தின் அல்லது யூனியனின் சட்டமன்ற அதிகாரங்களையும் விலக்குவதற்கு ஜனாதிபதிக்கு அதிகாரம் அளிக்கிறது. இவ்வாறான நடவடிக்கை மேற்கொள்ள குறிப்பிட்ட மாநிலத்தில் ஒரு நிலைமை ஏற்பட்டுள்ளது என்பதில் அவர் திருப்தி அடைந்தால், அந்த மாநில அரசு கலைக்கப்படலாம்.

பஞ்சாப், சத்தீஸ்கர், கேரளா உள்ளிட்ட பல மாநிலங்கள் இந்தச் சட்டத்தை அமல்படுத்தாது என்று கூறி அதை எதிர்த்தன. சட்டத்திற்கு எதிராக சட்டமன்றத்தில் இருந்து ஒரு தீர்மானத்தை நிறைவேற்றும் அளவிற்கு கேரளா சென்றுள்ளது.

இந்நிலையில் தான் பாரதிய ஜனதா கட்சியின் எம்.பி உதய் பிரதாப் சிங் இவ்வாறு பேசியுள்ளார். இவரது இந்தக் கூற்று பெரும் அதிர்வலைகளை ஏற்படுத்தியுள்ளது.