சென்னை: தனியார் விவசாய கல்லூரிகளுக்கான கட்டண நிர்ணயக் குழு தலைவராக ஓய்வு பெற்ற நீதிபதி சந்துரு நியமிக்கப்பட்டார்
தனியார் தொழில்முறை கல்வி நிறுவனங்களில் அனுமதிக்கப்பட்ட மாணவர்களுக்கான கட்டணங்களை நிர்ணயிக்க ஓய்வுபெற்ற உயர்நீதிமன்ற நீதிபதிகள் தலைமையிலான குழுவை அமைக்க உச்ச நீதிமன்றம் 2003ம் ஆண்டு ஆகஸ்டு மாதம் உத்தரவிட்டது.
இந் நிலையில் தமிழகத்தில் உள்ள தனியார் விவசாய கல்லூரிகளுக்கான கட்டண நிர்ணயக் குழு தலைவராக சென்னை உயர்நீதிமன்ற ஓய்வுபெற்ற நீதிபதி நீதிபதி கே.சந்திருவை மாநில அரசு நியமித்துள்ளது. அவரது பெயரை தலைமை நீதிபதி அம்ரேஷ்வர் பிரதாப் சாஹி பரிந்துரைத்தார்.
இந்த கட்டண நிர்ணய குழுவில் ஒரு உறுப்பினர் செயலாளர் மற்றும் ஏழு உறுப்பினர்கள் இருப்பர். கோவை மாவட்டம் பொள்ளாட்சி தாலுகா, உடையாகுளத்தைச் சேர்ந்த வேளாண் நிபுணர் சோமசுந்தரம், உறுப்பினர்களில் ஒருவராக நியமிக்கப்பட்டுள்ளார்.
2006ம் ஆண்டின் தொழில்சார் கல்வி நிறுவனச் சட்டத்தில் தமிழ்நாடு சேர்க்கை பிரிவு 2 (இ) இன் படி, அரசாங்கம், மே 2007 இல், வேளாண்மை மற்றும் இளங்கலை மட்டத்தில் உள்ள அனைத்து பாடங்களையும் தொழில்முறை கல்விப் படிப்புகளாக அறிவித்தது. அதன்படி, கோவையில் உள்ள தமிழ்நாடு வேளாண் பல்கலைக்கழகத்துடன் இணைந்த நிறுவனங்களில் படிக்கும் மாணவர்களுக்கான கட்டண கட்டமைப்பை சரிசெய்ய அரசாங்கம் தற்போது ஒரு குழுவை அமைத்தது.
ஓய்வுபெற்ற நீதிபதி சந்துரு பல வழக்குளை கையாண்டவர். 2006ம் ஆண்டு ஜூலை 31ம் தேதி முதல் 2013ம் ஆண்டு மார்ச் 8 சென்னை உயர்நீதி மன்ற நீதிபதியாக பணியாற்றினார். 7 ஆண்டுகளில், 96,000 க்கும் மேற்பட்ட வழக்குகளை தீர்த்தவர். அவற்றில் 1,500 க்கும் மேற்பட்ட வழக்குகளில் வழங்கப்பட்ட தீர்ப்புகள் பிரபலமானவை.