சண்டிகர் :
ஊரடங்கு உத்தரவால் முடக்கப்பட்டுள்ள அத்தியாவசிய பொருட்களின் போக்குவரத்தை சீர்செய்யவும் பொருள்களை மக்களுக்கு கொண்டு சேர்க்கவும், பஞ்சாப் காவல்துறையினர் ஸ்டாக் டெக்னாலஜிஸ் எனும் தனியார் நிறுவனத்துடன் சேர்ந்து எளிமையான மற்றும் புதுமையான தீர்வைக் கொண்டு வந்துள்ளனர்
அத்தியாவசிய சேவை வழங்குபவர்களின் போக்குவரத்து மற்றும் அவர்களை சரிபார்ப்பது என்பது அதிகாரிகளுக்கும் காவல் துறையினருக்கும் சவாலாக இருக்கும் இந்த நேரத்தில், இந்தியாவின் வேகமாக வளர்ந்து வரும் தொழில்நுட்பத்தை கொண்டு ஊரடங்கு உத்தரவை டிஜிட்டல் மயமாக்குவதன் மூலம் பிரச்சனையை சமாளிக்க முனைந்துள்ளது.
அரசாங்கம் அறிவித்துள்ள இந்த 21 நாள் ஊரடங்கு சமயத்தில் தங்கள் வீடுகளில் இருந்து வெளியேற அனுமதிக்கப்பட்ட பணியாளர்கள் மட்டுமே அத்தியாவசிய சேவைகள் மற்றும் பொருட்களுடன் ஈடுபடும் நபர்கள், அதாவது மருத்துவ வல்லுநர்கள், உணவு மற்றும் மளிகை பொருட்கள் வழங்கல் மற்றும் விநியோகத்தில் ஈடுபடும் நபர்கள், மருந்தக பணியாளர்கள் போன்றவர்கள் அரசு அதிகாரிகளால் தங்களுக்கு வழங்கப்படும் அனுமதி அட்டையுடன் வெளியில் செல்ல அனுமதிக்கப்படுவார்கள்.
அனுமதி அட்டைகளுக்கான விண்ணப்பம் மற்றும் ஒப்புதல் செயல்முறையை எளிதாக்க ஸ்டாக் நிறுவனம் பஞ்சாப் அரசாங்கத்துடன் இணைந்து செயல் படுத்தியிருக்கிறது.
இந்த ஆன்லைன் விண்ணப்பத்திற்கு, விண்ணப்பதாரரின் அடையாள அட்டை பதிவேற்றுவதோடு ஒரு ஆன்லைன் படிவத்தை பூர்த்தி செய்தால் போதுமானது.
அவசர மற்றும் தேவையின் அடிப்படையில் விண்ணப்பம் பஞ்சாப் காவல்துறையால் அங்கீகரிக்கப்படுகிறது, மேலும் ஒப்புதலின் பேரில், விண்ணப்பதாரருக்கு மின் மயமாக்கப்பட்ட அனுமதி அட்டையை வழங்குகிறது, இதனை அச்சிட வேண்டிய அவசியம் இல்லை.
இந்த வளர்ச்சி குறித்து பஞ்சாப் காவல்துறை டி.ஜி.பி திரு டிங்கர் குப்தா பேசுகையில்- “இந்த சோதனை காலங்களில் மக்கள் எந்தவிதமான கஷ்டங்களையும் எதிர்கொள்ளாமல் பார்த்துக் கொள்ள பஞ்சாப் காவல்துறை விரும்புகிறது. இந்த பாஸ்கள் ஒருங்கிணைந்தவை, மேலும் ஒரு மருத்துவர் முதல் மக்களின் வீட்டு வாசலில் மளிகை சாமான்களை வழங்கும் நபர்கள் வரை அனைவருக்கும் உதவும். ஸ்டாக் போன்ற தொடக்கங்களுடன் இணைந்து, பதிவிறக்கம் மற்றும் சரிபார்ப்பு செயல்முறையை எளிதாக்க பாஸில் கியூஆர் குறியீடு தொழில்நுட்பத்தையும் சேர்த்துள்ளோம். அனைத்து விண்ணப்பங்களும் ஒப்புதல்களில் விரைவாக இருப்பதை உறுதி செய்வதற்காக விண்ணப்பங்கள் நேரடியாக மத்திய தலைமை அலுவலகத்துக்கு வராமல் விண்ணப்பிக்கப்பட்ட பகுதிகளின் மாவட்ட தலைமையகத்திற்கு செல்லும் ”.
முன்னதாக, ஸ்டாக் நிறுவனம் உடல் வெப்பநிலையைக் கண்டறிய செயற்கை நுண்ணறிவால் இயங்கும் வெப்ப கேமராவை பல்வேறு முக்கிய இடங்களில் நிறுவியுள்ளது, இது முதல்-நிலை பரிசோதனைக்கு உதவுகிறது.
இந்நிலையில், பஞ்சாப் காவல்துறை ஊழியர்கள் மக்கள் பணியாற்றி ஏழைகளுக்கும், நலிந்தவர்களுக்கும் உணவு பரிமாறும் வீடியோ தொற்று நோய் பயம் ஒருபுறம் வீட்டிற்குள் முடங்கிருக்கும் மனஅழுத்தம் மறுபுறம் என்று இருக்கும் மக்களுக்கு ஆறுதலாக உள்ளது.