சித்துவின் தலைக்கு ரூ. 5 லட்சம் பரிசு : பஜ்ரங் தள் அறிவிப்பு

க்ரா

ஞ்சாப் மாநில காங்கிரஸ் அமைச்சர் சித்துவின் தலையை வெட்டுவோருக்கு ரூ. 5 லட்சம் பரிசளிக்கப்படும் என பஜ்ரங் தள் ஆக்ரா மாவட்ட தலைவர் கூறி உள்ளார்.

முன்னாள் கிரிக்கெட் வீரரும் தற்போதைய பஞ்சாப் மாநில காங்கிரஸ் அமைச்சருமான நவ்ஜோத் சிங் சித்து பாகிஸ்தான் பிரதமர் பதவி ஏற்பு விழாவில் கலந்துக் கொண்டார். அப்போது அந்நாட்டு ராணுவ தளபதியை அவர் கட்டி அணைத்தது சர்சையை உண்டாக்கியது.

இதற்கு பாஜக மட்டுமின்றி பஞ்சாப் முதல்வர் அமரீந்தர் சிங் உட்பட பலர் எதிர்ப்பு தெரிவித்தனர்.    ஆயினும் சித்து தாம் செய்தது தவறில்லை எனக் கூறி வருகிறார்.   இந்து மத அமைப்பான பஜ்ரங் தள் இதற்கு கடும் எதிர்ப்பை தெரிவித்துள்ளது.   இது குறித்து பஜ்ரங் தள் அமைப்பின் ஆக்ரா மாவட்ட தலைவர் சஞ்சய் ஜாட் வீடியோ பதிவு ஒன்றை வெளியிட்டுள்ளார்.

அந்தப் பதிவில், “அமைச்சர் சித்துவின் தலையை வெட்டி கொண்டு வருவோருக்கு ரூ.5 லட்சம் பரிசு வழங்கப்படும்.   இதற்கான காசோலை தயாராக உள்ளது.   எல்லையில் இந்திய வீரர்களை பாகிஸ்தான் ராணுவம் கொன்று குவித்து வருகிறது.   அதை மறந்துவிட்டு அந்த ராணுவ தளபதியை சித்து கட்டி அணைத்துள்ளது சகித்துக் கொள்ள முடியாது.

குரு கோவிந்த் சிங் அறிவுரைகளை மறந்த சித்துவின் மீது நாட்டிலுள்ள அனைவரும் ஆத்திரத்தில் உள்ளனர்.   உயிர்த்தியாகம் செய்த ராணுவ வீரர்களை சித்து அவமானபடுத்தி விட்டர்.    அதற்காக இந்த் தண்டனை உத்தரவை பிறப்பிக்கிறோம்.    அவர் ஆக்ராவுக்கு வந்தால் அவருக்கு செருப்பு மரியாதையை மக்கள் அளிப்பார்க்ள்.   அவரை காங்கிரஸ் கட்சி உடனடியாக நீக்க வேண்டும்” என சஞ்சய் ஜாட் தெரிவித்துள்ளார்.

ஒரு அமைச்சரின் தலையை வெட்டினால் பரிசு என அறிவித்தது நாடெங்கும் பரபரப்பை உண்டாக்கி இருக்கிறது.