ஜெயலலிதாவின் இறுதிச்சடங்கிற்கு எவ்வளவு செலவு ? ஆர்.டி.ஐ. பகீர் தகவல்..!

ஜெயலலிதாவின் இறுதிச்சடங்கிற்கு செலவு செய்த தொகையின் விபரங்கள் தற்போது வெளி வந்துள்ளன. ஜெயலலிதாவின் இறுதி சடங்கிற்கு மட்டும் ரூ.99 லட்சம் செலவாகியதாக ஆர்டிஐ தகவல் அளித்துள்ளது.

jayalalitha

மறைந்த முதல்வர் ஜெயலலிதா கடந்த 2016ம் ஆண்டு செப்டம்பர் 22ம் தேதி உடல்நலக்குறைவால் சென்னை அப்போலோ மருத்துவமனையில் அனுமதிக்கப்பட்டார். கிட்டத்தட்ட 75 நாட்கள் சிகிச்சைக்குப் பிறகு டிசம்பர் 5ம் தேதி ஜெயலலிதா காலமானார்.

அதன்பின்னர் அவரது பூத உடல் சென்னை மெரினா கடற்கரையில் இறுதி சடங்கு செய்யப்பட்டு புதைக்கப்பட்டது. இந்நிலையில், மதுரை மாவட்டத்தைச் சேர்ந்த சையது தமீம் என்பவர் தகவல் அறியும் உரிமைச் சட்டத்தின் கீழ் ஜெயலலிதாவின் இறுதிச்சடங்கிற்கு எவ்வளவு ரூபாய் செலவு செய்யப்பட்டது, அவர் எப்போது இறந்தார் என்பது உள்ளிட்ட கேள்விகளை கேட்டிருந்தார்.

இதன் மூலம் ஜெயலலிதா 2016ம் ஆண்டு டிசம்பர் 5ம் தேதி இறந்ததாக பதிலளிக்கப்பட்டுள்ளது. மேலும், ” அவரது சிகிச்சைக்கு அரசு எந்த செலவும் ஏற்கவில்லை என்றும், இறுதிச்சடங்கிற்கு 99 லட்சத்து 83 ஆயிரத்து 586 ரூபாய் செலவு செய்யப்பட்டுள்ளது “ என்றும் தெரிவிக்கப்பட்டுள்ளது.