தூத்துக்குடி: சாத்தான்குளத்தில் தந்தை, மகன் இருவரும் பாலியல் சித்திரவதைக்குள்ளாக்கப்பட்டு கொல்லப்பட்டிருக்கின்றனர் என்று சாட்சிகள் தெரிவித்துள்ள தகவல் பரபரப்பை ஏற்படுத்தி உள்ளது.
தூத்துக்குடி மாவட்டம் சாத்தான்குளத்தில் ஊரடங்கு நேரத்தை மீறி கடையை திறந்து வைத்திருந்த தாக கூறி, அதை நடத்தி வந்த தந்தை ஜெயராஜ், மகன் பெனிக்ஸ் ஆகியோரை சரமாரியாக அடித்ததில் போலீசார் அடித்ததில் இருவரும் இறந்தனர். இந்த சம்பவம் பெரும் கொந்தளிப்பை ஏற்படுத்தியது.
இந்த சம்பவத்தின் பின்னணி விவரங்கள் இப்போது வெளிவர ஆரம்பித்து வருகின்றன. அதாவது தந்தையும், மகனும் பாலியல் சித்திரவதைக்கு ஆளாக்கப்பட்டு கொல்லப்பட்டிருக்கின்றனர் என்று சாட்சிகள் தெரிவித்துள்ளனர்.
இது குறித்துபேசிய இந்த சம்பவத்தை நேரில் கண்ட இருவரின் நண்பர்களும் வழக்கறிஞர்களும் நிகழ்வுகளின் கொடூரமான காட்சியை விவரித்தனர். பென்னிக்ஸ் நண்பர் ராஜ்குமார் கூறி இருப்பதாவது: சாத்தான்குளத்தில் உள்ள அரசு மருத்துவமனைக்கு இருவரையும் கொண்டு செல்ல தங்கள் சொந்த வாகனத்தை கொண்டு வருமாறு காவல்துறை கேட்டுக்கொள்ளும் வரை பாலியல் சித்திரவதை பற்றி எங்களுக்கு தெரியாது.
அவர்கள் (ஜெயராஜ் மற்றும் பெனிக்ஸ்) கிழிந்த துணியுடன் காவல் நிலையத்திலிருந்து வெளியே வந்தனர். ரத்தத்தால் நனைந்திருந்தனர். அவர்கள் மலக்குடலில் கடுமையான வலி இருப்பதாக புகார் கூறினர். நாங்கள் உடனடியாக அவர்களுக்கு ஒரு லுங்கியைக் கொடுத்து, கார் இருக்கையில் ஒரு தடிமனான பருத்தி துணியைப் பரப்பினோம்.
ஆனால், அவர்கள் மருத்துவமனையை அடையும் முன்பே, இரத்தம் காரணமாக மீண்டும் ஈரமாகிவிட்டன. எனவே, நண்பர்கள் அவர்கள் மருத்துவமனைக்குள் நுழைவதற்கு முன்பு அவர்களுக்கு இன்னொரு லுங்கி கொடுத்தார்கள்.
தந்தை-மகன் இருவரை பரிசோதித்தபோது, மருத்துவமனையின் மருத்துவர் அவர்களின் இரத்த அழுத்தம் மிக அதிகமாக இருந்ததால் உடற்தகுதி சான்றிதழ் வழங்க மறுத்துவிட்டார். இந்த தகவலை மருத்துவ பரிசோதனையின் போது இருவருடனும் வந்த வழக்கறிஞரான மணிமாறன் கூறுகிறார். காலை 7.05 மணியளவில், தந்தை மற்றும் மகனின் இரத்த அழுத்தங்கள் முறையே 192 மற்றும் 184 என அவர் கூறினார்.
ஜெயராஜ் மற்றும் பெனிக்ஸ் ஆகியோர் இரத்த அழுத்தத்தைக் குறைக்க முயற்சித்தனர். காலை 7.05 மணி முதல் 11.15 மணி வரை மருத்துவர் இருவரையும் சோதனை செய்தார். அவர்களுக்கு மூன்று முறை மாத்திரைகள் மற்றும் ஊசி மருந்துகளும் வழங்கப்பட்டன. மலக்குடல் இரத்தப்போக்கு நிறுத்த மருந்துகளை வழங்குமாறு நாங்கள் போலீசாரிடம் மன்றாடினோம், ஆனால் மருந்துகள் இல்லாமல் இரத்தப்போக்கு நிறுத்தப்படும் என்று போலீசார் தெரிவித்தனர் என்று மணிமாறன் கூறினார்.
நண்பர் ராஜ்குமார் மேலும் கூறியதாவது: பல சோதனைகளுக்குப் பிறகும் அவர்களின் உடல் அழுத்தம் குறையாததால், சாத்தான்குளம் இன்ஸ்பெக்டர் ஸ்ரீதர், இருவரும் நன்றாக இருப்பதாகக் கூறி ஒரு சான்றிதழை வழங்குமாறு டாக்டர்களைக் கேட்டனர்.
சான்றிதழைப் பெற்ற பிறகு, ஒரே காரில் இருவரையும் மாஜிஸ்திரேட் சரவணனின் வீட்டிற்கு போலீஸ் அழைத்துச் சென்றது. காவலில் தனக்கு என்ன நேர்ந்தது என்பதை நீதிபதியிடம் தெரிவிக்குமாறு நாங்கள் பெனிக்ஸிடம் கூறினோம். ஆனால் அவர் பயந்து போய் எதுவும் கூறினால் உயிரை எடுத்துவிடுவதாக காவல்துறை அச்சுறுத்தியதாக எங்களிடம் கூறினார்.
அவர் காவலில் வைக்கப்பட்ட போது, 4 போலீசார் அவரை (பெனிக்ஸ்) சுற்றி அச்சுறுத்திக்கொண்டிருந்தனர். எனவே, என்ன நடந்தது என்பதை நீதிபதியிடம் சொல்வது சாத்தியமில்லை. பின்னர் இருவரும் சாத்தான்குளம் காவல் நிலையத்திலிருந்து நண்பர்களின் காரில் 100 மீட்டர் தொலைவில் உள்ள கோவில்பட்டி கிளைச்சிறைக்கு கொண்டு செல்லப்பட்டனர்.
எந்த காரணமும் இல்லாமல் தாக்கப்பட்டதாக பலமுறை பெனிக்ஸ் கூறினார். அவர் தனது தாயை கவனித்துக் கொள்ளும்படி கேட்டுக் கொண்டார். மேலும் அவரது காவலில் சித்திரவதை பற்றி எதுவும் தெரிவிக்க வேண்டாம் என்றார்.
மற்ற நண்பர்கள் ராஜா, ரவி இருவரும் கூறியிருப்பதாவது: இது அனைத்தும் ஜூன் 18 இரவு தொடங்கியது. போலீசார் உரிமையாளர்களிடம் சாத்தான்குளத்தில் தங்கள் கடைகளை சரியான நேரத்தில் மூடுமாறு கூறினர். அந்த நபர் ஜெயராஜ் என்று நினைத்து, ஜூன் 19 அன்று போலீசார் அவரை நிலையத்திற்கு அழைத்துச் சென்றனர். பெனிக்ஸ் அதைப் பற்றி விசாரிக்க ஸ்டேஷன் விரைந்தார். ஆனால் பெனிக்ஸ் கூட நிலையத்தில் இருந்த போலீஸ்காரர்களால் தாக்கப்பட்டார்.
தந்தை கடுமையாக தாக்கப்பட்டது குறித்து கேள்வி கேட்கப்பட்ட போது, அவரை போலீசார் பிடித்து தள்ளினர். சப்-இன்ஸ்பெக்டர் மற்றும் கான்ஸ்டபிள்கள் உட்பட குறைந்தது 5 பேர் எங்கள் கண் முன் அடித்தார்கள் என்றனர். காவல்துறையின் நடவடிக்கை குறித்து கேள்வி எழுப்பியபோது எங்களை வெளியேற்றினர்.
என்னை நிலையத்திற்கு வெளியே தள்ளி கதவுகளை மூடினர். இரவு 7 மணி முதல் இரவு 10 மணி வரை, ஜெயராஜ் மற்றும் பெனிக்ஸின் அலறல்களும் கூக்குரல்களும் மட்டுமே நாங்கள் கேட்டோம். இரவு 11 மணி அளவில் நிர்வாணமாக இரத்தம் வழிய பெனிக்ஸை நாங்கள் பார்க்க முடிந்தது. அப்போதும் எங்களை துரத்தினர். மறு நாள் காலை 6.30 மணிக்கு தான் அவர்களை பார்க்க முடிந்தது.
ஆனால், இரவு முழுவதும், இருவரும் உதவிக்காக அழுதனர். ஸ்டேஷனில் இருந்து சுமார் 500 மீட்டர் தொலைவில் வசிக்கும் மக்கள் அதைக் கேட்க முடிந்தது என்று கூறினர். இருவரின் மரணத்திற்குப் பிறகு, மாவட்ட காவல்துறை 2 உதவி ஆய்வாளர்களை இடைநீக்கம் செய்துள்ளது.
அவர்கள் மீது கடுமையான குற்றச்சாட்டுகள் எழுந்தன. சாத்தான்குளம் நிலையத்தில் உள்ள அனைத்து காவல்துறையினரும் வேறு பல நிலையங்களுக்கு மாற்றப்பட்டுள்ளனர். விசாரணை அறிக்கையின் அடிப்படையில் மற்ற காவல்துறை அதிகாரிகள் மீது நடவடிக்கை எடுப்பதாக கலெக்டர் சந்தீப் நந்தூரி தெரிவித்தார்.