டில்லி:
மறைந்த முன்னாள் பிரதமர் ராஜிவ்காந்தியின் 75வது பிறந்தநாள் கூட்டத்தில் பேசிய தமிழக காங்கிரஸ் கட்சியின் மேலிடப் பொறுப்பாளர், அடிமைகள் தமிழ்நாட்டை ஆளுகிறார்கள்! மத்தியில் சர்வாதிகாரிகள் ஆளுகிறார்கள் என்று கடுமையான சாடினார்.
முன்னாள் பிரதமர் ராஜீவ் காந்தியின் 75 வது பிறந்த நாளை நினைவுகூரும் வகையில் தமிழக காங்கிரஸ் கட்சி ஏற்பாடு செய்திருந்த விழாவில் கலந்துகொண்ட தமிழகத்தின் ஏஐசிசி பொதுச் செயலாளர் முகுல் வாஸ்னிக் சிறப்புரை ஆற்றினார்.
அப்போது, “ராஜீவ் காந்தி ஜனநாயகத்தை வலுப்படுத்த விரும்பினார், அவர் தனது உயிரை தியாகம் செய்வதன் மூலம் இந்தியாவை ஐக்கியமாக வைத்திருந்தார், ஆனால் மோடி ஜனநாயகத்தை அச்சுறுத்துகிறார்.
ஜம்மு-காஷ்மீரில் நடந்ததைப் போல, பாஜகவின் ஜனநாயக அச்சுறுத்தலுக்கு எதிராக காங்கிரஸ் கட்சி மட்டுமே போராடக்கூடியது என்றும், காங்கிரஸ்-திமுக கூட்டணி வலிமைக்கு சேர்க்கும் என்றார்.
மக்களவை தேர்தலில் தமிழகத்தில் நாம் பெற்ற வெற்றியால் ஓய்வெடுக்க முடியாது என்று கூறியவர், அடுத்து வர உள்ள சட்டமன்றத் தேர்தலிலும் வெற்றிபெற நாங்கள் கடுமையாக உழைக்க வேண்டும், மேலும் திமுக தலைவர் எம் கே ஸ்டாலினை தமிழக முதல்வராக அமர்த்த வேண்டும் என்றும் கூறினார்.
சிபிஐ மற்றும் அமலாக்க இயக்குநரகத்தின் அதிகாரிகள் முன்னாள் மத்திய நிதியமைச்சர் பி.சிதம்பரத்தின் இல்லத்தில் இறங்கி அச்சுறுத்தி வருவதாக கூறியவர், இங்கு அடிமைகள் தமிழ்நாட்டை ஆளுகிறார்கள்; மத்தியில் சர்வாதிகாரிகள் ஆளுகிறார்கள் என்று கடுமையான சாடினார்.
மேலும், முன் எப்போதும் இல்லாத வகையில், காங்கிரஸ் கட்சி தற்போது, மிக கடினமான சூழலை எதிர்கொண்டுள்ளது. காங்., மீது, மக்கள் வைத்திருந்த நம்பிக்கையை, மீட்டெடுக்க வேண்டிய தருணம் இது. இதை மனதில் வைத்து, கட்சியினர் உற்சாகமாகவும், பொறுப்புணர்வுடனும் பணிபுரிய வேண்டும்.
இவ்வாறு அவர் பேசினார்.