இளம் பாலிவுட் நடிகர் சுஷாந்த் சிங் ராஜ்புத்தின் தற்கொலையைத் தொடர்ந்து பாலிவுட்டில் நிலவும் வாரிசு அரசியல் குறித்துப் பெரும் சர்ச்சை எழுந்துள்ளது.
பலரும் சமூக வலைதளங்களில் இயங்கி வரும் வாரிசு நடிகர்களின் பக்கங்களுக்கே நேரடியாகச் சென்று அவர்களைச் சாட ஆரம்பித்துள்ளனர் .
இதில் சத்ருகன் சின்ஹாவின் மகள் நடிகை சோனாக்ஷி சின்ஹாவும் சிக்கியுள்ளார் .
இதனால் “நமது மனநலனைக் காக்க முதல் படியே எதிர்மறை விஷயங்களிலிருந்து விலகியிருப்பதுதான்.
அது இந்நாட்களில் ட்விட்டரை விட வேறெங்கும் அதிகமாக இல்லை. சரி, நான் எனது கணக்கைச் செயலிழக்கச் செய்கிறேன். வருகிறேன் மக்களே” என்று கடைசியாக ஒரு ட்வீட்டைப் பகிர்ந்து சோனாக்ஷி தனது ட்விட்டர் கணக்கை முடக்கியுள்ளார்.
https://www.instagram.com/p/CBp5HA5AcpP/
தனது இன்ஸ்டாகிராம் பக்கத்தில் பின்னூட்டம் இடுவதற்கான வசதியையும் முடக்கியுள்ள சோனாக்ஷி, தனது இந்த ட்வீட்டின் ஸ்க்ரீன்ஷாட்டை இன்ஸ்டாகிராமில் பகிர்ந்து, “தீ பற்றி எரியட்டும். எனக்குக் கவலையில்லை” என்று குறிப்பிட்டுள்ளார்.