மூன்று தலைமுறையாய் ராமலீலா நாடகம் நடத்தும் இஸ்லாமிய குடும்பம்

உத்தரப்பிரதேசத்தில் இஸ்லாமிய குடும்பம் மூன்று தலைமுறைகளாக ராமலீலா நாடகம் நடத்தி வருவது மதநல்லிணக்கத்துக்கு எடுத்துக்காட்டாய் அமைந்துள்ளது.

ram

உத்தரப்பிரதேச மாநிலம் லக்னோவைச் சேர்ந்தவர் முகமது ஷபீர் கான். இவருடைய குடும்பம் கடந்த 1972ம் ஆண்டு ராமலீலா நாடகத்தை நடத்தி வருகிறது. ராமலீலா என்பது ராம அவதாரத்தின் சிறப்புகள், ராமரின் மகிமைகள், ராவணன் மீது ராமர் தொடுத்த போர் போன்ற நிகழ்ச்சிகள் அனைத்தும் அடங்கும்.

முழுக்க முழுக்க இந்து சமய காவியத்தை அடிப்படையாகக் கொண்ட ராமலீலா நாடகத்தை, 1972ம் ஆண்டு இஸ்லாமியர் குடும்பம் ஏற்று நடித்துள்ளது. 1972 முதல் இன்று வரையில் மூன்று தலைமுறைகளாக முகமது ஷபீர் கானின் குடும்பம் இந்துக்களுடன் இணைந்து ராமலீலா நாடகத்தில் நடித்து வருகின்றனர்.

எதற்கெடுத்தாலும் ஜாதிக்கலவரம், மதக்கலவரம் அடிக்கடி நடக்கும் சூழலிலும், இவர்கள் நடத்தும் ராம லீலா நாடகம் மதநல்லிணக்கத்துக்கு எடுத்துக்காட்டாய் அமைந்துள்ளது. இந்த முஸ்லீம் குடும்பத்தாரின் இத்தகைய செயலை மதசார்பற்ற பலரும் பாராட்டி வருகின்றனர்.