சீனாவை விட்டு வெளியேறுகிறது டிக்டாக்கின் தாய் நிறுவனமான பைட்டான்ஸ்…

ந்திய அரசின் அதிரடி தடை காரணமாக பெரும் இழப்பை எதிர்கொண்டுள்ள டிக்டாக், தங்களுக்கும் சீனாவுக்கும் இடையே எந்தவித தொடர்பும் இல்லை என்று விளக்கமளித்த நிலையில்,  டிக்டாக் கின் தாய் நிறுவனமான பைட்டான்ஸ் சீனாவை விட்டு வெளியே முடிவு செய்துள்ளதாக தகவல் வெளியாகி உள்ளது.

காஷ்மீர் லடாக் கல்வான் பள்ளத்தால் ஏற்பட்ட இந்திய சீன இந்திய எல்லை பிரச்னையைத் தொடர்ந்து, தேசிய பாதுகாப்பு கருதி சீனாவின் டிக்டாக் உள்பட 59 ஆப்களைத் தடை செய்தது இந்திய அரசு. இதனால் பெரும் வருமான இழப்பை சந்தித்துள்ளது. ஏனெனில் பைட் டான்ஸ், டிக் டாக், யுசி பிரவ்சர் உள்ளிட்ட சீன ஆப்களின் மிகபெரிய சந்தை இந்தியா தான்.

இந்த நிலையில்தான் இந்தியாவின் தடை காரணமாக,  அமெரிக்கா, ஆஸ்திரேலியா உள்பட சீனாவுக்கு எதிரான சில நாடுகளும் டிக்டாக் மீது சந்தேகப்பார்வை வீசியுள்ளன.

இதன் காரணமாக,  டிக்டாக் தலைமையகத்தை பைட் டான்ஸ் சீனாவிற்கு வெளியே நகர்த்துவது குறித்து ஆய்வு செய்து வருகிறது. தற்போது டிக்டாக்கு உலகளாவிய பின்னடைவு ஏற்பட்டுள்ள நிலையில்,  டிக்டாக்கின் கார்ப்பரேட் கட்டமைப்பை மாற்றுவதை பைட் டான்ஸ் கவனித்து வருவதாக தகவல்கள் தெரிவிக்கின்றன.

இதுதொடர்பாக  வோல் ஸ்ட்ரீட் ஜேர்னலின் (Wall Street Journal) அறிக்கையின்படி, இந்தியாவைத் தொடர்ந்து, டிக்டாக் குறித்த அமெரிக்கா மற்றும் இப்போது ஆஸ்திரேலிய நாடுகள் தொடர்ந்து ஆய்வுகளை எதிர்கொண்டு வருவதால், டிக்டாக்கின் எதிர்காலத்தை கருத்தில்கொண்டு, கார்ப்பரேட் கட்டமைப்பை மாற்றியமைக்க பைட் டான்ஸ் பார்க்கிறது.

இதற்காக மூத்த நிர்வாகிகள் புதிய நிர்வாகக் குழுவை உருவாக்கி ஆய்வு செய்து வருவதாகவும்,  சீனாவிலிருந்து பயன்பாட்டின் செயல்பாடுகளை  சீனாவிற்கு வெளியே தலைமையகத்தை நிறுவுவது உள்ளிட்ட விருப்பங்களைப் பற்றி விவாதித்து வருவதாகவும் அதில் கூறப்பட்டுள்ளது.

சீனாவில் நிறுவப்பட்ட பைட் டான்ஸைத் தவிர டிக்டோக்கிற்கு தலைமையகம் இல்லை. லாஸ் ஏஞ்சல்ஸ், நியூயார்க், லண்டன், டப்ளின் மற்றும் சிங்கப்பூரில் அதன் மிகப்பெரிய அலுவலகங்கள் உள்ளன. மும்பையில் உள்ள WeWork Nesco இல் அலுவலக விண்வெளி ஒப்பந்தத்தில் பைட் டான்ஸ் கையெழுத்திட்டுள்ளது.

இந்த நிலையில், டிக்டாக்  தலைமை நிர்வாக அதிகாரி, கெவின் மேயர் இந்திய அரசாங்கத்திற்கு எழுதிய கடிதத்தில், “இந்திய பயனர்களின் டிக்டாக் தரவுகளுக்காக சீன அரசு ஒருபோதும் எங்களிடம் கோரிக்கை வைக்கவில்லை என்பதை என்னால் உறுதிப்படுத்த முடியும். எதிர்காலத் தில் இதுபோன்ற கோரிக்கையை நாங்கள் எப்போதாவது பெற்றால், நாங்கள் இணங்க மாட்டோம். ” இந்திய பயனர்களுக்கான தரவு சிங்கப்பூரில் உள்ள சேவையகங்களில் சேமிக்கப்படுகிறது என்றும் அவர் கூறினார்.

அதேவேளையில்,  டிக்டாக் உள்பட 59 சீன செயலிகளை  இந்திய அரசு தடை செய்துள்ளது குறித்து கருத்து தெரிவித்த அமெரிக்க வெளியுறவுத்துறை செயலாளர் மைக் பாம்பியோ,  டிக்டாக் உள்ளிட்ட சீன சமூக ஊடக பயன்பாடுகளை தடை செய்வதை அமெரிக்காவும் ஆய்வு செய்துவருவது என்று தெரிவித்துள்ளார்.

அதுபோல, சிட்னிலில் அலுவலகம் திறந்துள்ள டிக்டாக்கும், கடுமையான அழுத்ததிற்கு உள்ளதாகி இருப்பதாக கூறப்படுகிறது.  “டிக்டாக் அதன் பயனர்கள் எதிர்பார்ப்பதை விட அதிகமான தரவை எடுத்துக்கொள்வதாகவும், அதன் பயனர்கள் வசதியாக இல்லாத காரணங்களுக்காக உள்ளடக்கத் தை மிதப்படுத்துவதாகவும் நம்பத்தகுந்த தகவல்கள் வந்துள்ளன” என்று சமூக ஊடகங்கள் மூலம் வெளிநாட்டு தலையீடு குறித்த தேர்வுக் குழுவின் தலைவர் செனட்டர் ஜென்னி மெக்அலிஸ்டர் கூறி உள்ளால்.

“டிக்டாக் மற்றும் பிற தளங்கள் செனட் கமிட்டி முன் தங்கள் சொந்த கொள்கைகள் மற்றும் ஆரோக்கியமான சமூக ஊடக சூழலைப் பாதுகாப்பதற்கான சிறந்த வழி பற்றிய கேள்விகளுக்கு பதிலளிக்கும் என்று ஆஸ்திரேலியர்கள் எதிர்பார்க்கிறார்கள் என்று நான் நினைக்கிறேன் என்றும் தெரிவித்து உள்ளார்.

டிக்டாக் மீது  இந்தியா மட்டுமின்றி அமெரிக்க மற்றும் ஆஸ்திரேலியா நாடுகளும் அதிருப்தி தெரிவித்திருப்பதால், அது தனதுதாய் நிறுவனமான பைட்டான்ஸ் நிறுவனத்தை சீனாவுக்கு வெளியே மாற்ற தீர்மானித்துள்ளதாக கூறப்படுகிறது.

கார்ட்டூன் கேலரி