சென்னை:
பத்தாம் வகுப்பு தேர்வு முடிவுகள் (எஸ்எஸ்எல்சி) இன்று வெளியான நிலையில், திருப்பூர் மாவட்டம் 98.53 சதவிகிதம் தேர்ச்சி பெற்று முதலிடத்தை பிடித்துள்ளது.
சமீபத்தில் வெளியான பிளஸ்-2 தேர்ச்சியிலும் 95.37 சதவிகிதம் பெற்று தமிழகத்திலேயே முதலிடத்தை பிடித்த நிலையில், தற்போது 10வது வகுப்பு தேர்விலும் முதலிடத்தை பிடித்துள்ளது.
10-ம் வகுப்பு பொதுத்தேர்வானது கடந்த மார்ச் மாதம் நடைபெற்றது. சுமார் 10 லட்சம் மாணவர்கள் எழுதிய எஸ்.எஸ்.எல்.சி தேர்வு முடிவுகள் வெளியாகியுள்ளது. தமிழகம் முழுவதும் மொத்தத்தில் 95.2 சதவிகிதம் தேர்ச்சி பெற்றுள்ளது. இவர்களில் மாணவிகள் 97 சதவீதமும், மாணவர்கள்- 93.3 சதவீதம் தேர்ச்சி பெற்றுள்ளனர்.
இதில் திருப்பூர் கல்வி மாவட்டம் முதலிடத்தை தட்டிச்சென்றுள்ளது. அங்கு 98.53% மாணவ மாணவிகள் தேர்ச்சி பெற்றுள்ளனர்.
இரண்டாவது இடத்தை 98.48% தேர்ச்சியுடன் ராமநாதபுரம் கைப்பற்றியுள்ளது. 3வது இடத்தை 98.45 சதவிகிதத்துடன் நாமக்கல் மாவட்டம் பிடித்துள்ளது.
6100 பள்ளிகள் 100% தேர்ச்சி பெற்றிருப்பதாகவும் அரசுத்தேர்வுத்துறை இயக்குநரகம் அறிவித்து உள்ளது.