இந்தியாவின் அதிவேக ’டிரைன்- 18’ ரயில் சென்னையில் அறிமுகம்..!!

மணிக்கு 150 கி.மீ வேகத்தில் செல்லும் இந்தியாவின் அதிவேக ’டிரைன்- 18’ ரயில் சென்னையில் அறிமுகமானது. இது சென்னை பெரம்பூரில் இயங்கி வரும் ரயில் பெட்டி தொழிற்சாலையில் நூறு கோடி ரூபாய் செலவில் உருவாக்கப்பட்டது.

train

மேக் இன் இந்தியா’ திட்டத்தின் கீழ், ரூ. 100 கோடி செலவில் முழுவதும் உள்நாட்டிலேயே தயாரிக்கப்பட்டுள்ள இந்த ரயில், 18 மாதங்களில் உருவாக்கப்பட்டது. இதில் பயன்படுத்தப்பட்டுள்ள 80 சதவீத உதிரிபாகங்கள் உள்நாட்டில் தயாரிக்கப்பட்டதாகும்.

வண்ணக் கலவை, போதிய இடவசதி, தானியங்கி கதவுகள், தானியங்கி படிக்கட்டுகள், குறிப்பிட்ட வகுப்புகளுக்கு 360 டிகிரியில் சுற்றும் இருக்கை வசதிகள், விசாலமான ஜன்னல்கள், பயோ டாய்லெட், பொழுதுபோக்கு அம்சங்கள் என பல்வேறு வசதிகள் இந்த புல்லட் தோற்ற ரயிலில் உள்ளன.

மெட்ரோ ரயில்களில் இருப்பது போன்று முன்னும், பின்னும் ரயிலின் இருபுறத்திலும் ஓட்டுநர்களுக்கான கேபின்கள் உள்ளன. இதை இயக்க தனியாக எஞ்சின் தேவையில்லை. பாதுகாப்பான பயணங்களுக்கு ஏதுவாக பல்வேறு மேம்ம்படுத்தப்பட்ட தொழில்நுட்ப அம்சங்கள் இந்த ரயிலில் உள்ளன.

விமானத்தின் உள்ள வசதிகளை மிஞ்சும் அளவிற்கு, ’டிரைன் 18’ ரயிலின் சொகுசான வசதிகளை கொண்டது இந்த ரயிலின் சிறப்பம்சமாகும். மணிக்கு 160 கிமீ வேகத்தில் செல்லும் இந்த ரயிலை சென்னை ஐசிஎஃப் தொழிற்சாலையில், ரயில்வே வாரியத் தலைவர் அஸ்வானி லோஹானி கொடியசைத்து தொடங்கி வைத்தார்.

Leave a Reply

Your email address will not be published.