துணைவேந்தராக பழங்குடிப் பெண் நியமனத்திற்கு சமூக ஆர்வலர்கள் பாராட்டு

ராஞ்சி:

ஜார்க்கண்டில் உள்ள ஒரு பல்கலைக்கழகத்தின் துணைவேந்தராக புதுடெல்லியின் ஜவஹர்லால் நேரு பல்கலைக்கழகத்தின் பழங்குடிப் பெண் பேராசிரியையாக நியமிக்கப்பட்டுள்ளார். இந்த நியமனத்தை பல ஆர்வலர்கள் மற்றும் மாணவர்கள் பாராட்டியுள்ளனர்.

ஜார்கண்ட் மாநில ஆளுநர் திரௌபதி முர்மூ, கடந்த மே 28 அன்று ஜார்க்கண்டின் தும்காவில் உள்ள சிடோ கன்ஹு முர்மு பல்கலைக்கழகத்தின் தலைவராக சோனாஜாரியா மின்ஸை நியமித்தார்.  ஆளுநர் முர்மு கிழக்கு இந்திய மாநிலமான ஜார்க்கண்டில் உள்ள அனைத்து பல்கலைக்கழகங்களின் வேந்தராக இருந்து வருகிறார்.

இந்த நியமனத்தை பாராட்டிய மனித உரிமை ஆர்வலர் பீனா ஜான்சன், ஜார்கண்டின் சித்தோ கன்ஹோ முர்மு பல்கலைக்கழகத்தின் துணைவேந்தராக பேராசிரியர் சோனாஜரியா மின்ஸின் நியமிக்கப்பட்டுள்ளது மகிழ்ச்சியளிக்கிறது என்றார். பழங்குடிப் பெண் பெண்களுக்கு இது பெரிய முன்னேற்றத்தை கொடுத்துள்ளது என்றும் அவர் கூறியுள்ளார். ஜவஹர்லால் நேரு பல்கலைக்கழக ஆசிரியர் சங்கத்தின் (ஜே.என்.யு.டி.ஏ) முன்னாள் தலைவர் மின்ஸின் நியமனம் குறித்து மகிழ்ச்சி தெரிவித்துள்ளனர்.

இதுகுறித்து ஸ்வேதா கோஸ்வாமி தனது பேஸ்புக் பக்கத்தில் வெளியிட்ட பதிவில், மிக நீண்ட நாட்களுக்கு பின்னர் நல்ல செய்தி கிடைத்துள்ளது என்று குறிப்பிட்டுள்ளார்.

மின்ஸின் முன்னாள் மாணவர்களில் ஒருவரான மெரினா டிக்கா எழுத்தியுள்ள வாழ்த்து செய்தியில், வாழ்த்துக்கள். உங்கள் ஆதரவையும். வழிகாட்டலையும் இன்னும் நாங்கள் நினைவில் கொள்கிறேன் என்று குறிப்பிட்டுள்ளார்.

மின்ஸ் பழங்குடியினர் பல்கலைக்கழகத்தை ஒரு பெரிய உயரத்திற்கு கொண்டு சென்று அதை ஒரு மாதிரி நிறுவனமாக மாற்றுவார் என்ற நம்பிக்கையை அவர் வெளிப்படுத்தினார். அனைத்து ஆதிவாசிகளுக்கும், குறிப்பாக பெண்களுக்கும், ஓரான்ஸுக்கும் மிகவும் பெருமையான தருணம். மின்ஸ் தற்போது ஜே.என்.யுவில் ஸ்கூல் ஆஃப் கம்ப்யூட்டர் அண்ட் சிஸ்டம்ஸ் சயின்ஸின் பேராசிரியராக உள்ளார். கடந்த ஜனவரி 5-ஆம் தேதி இரவு ஜே.என்.யூ வளாகத்தில் அடையாளம் தெரியாத முகமூடி அணிந்தவர்களால் நடத்தப்பட்ட தாக்குதலின் போது காயமடைந்த பேராசிரியர்களில் இவரும் ஒருவர்.

தென்னிந்திய மாநிலமான தமிழ்நாட்டின் தலைநகரான சென்னையில் உள்ள ஜே.என்.யூ மற்றும் மெட்ராஸ் கிறிஸ்டியன் கல்லூரியில் மின்ஸ் உயர் படிப்பை முடித்தார். மெட்ராஸ் கிறிஸ்டியன் கல்லூரியில் கணிதத்தில் பட்டம் பெற்றார். தொடர்ந்து ஜே.என்.யுவிலிருந்து கணினி அறிவியலில் முனைவர் பட்டம் பெற்றார்.

கடந்த 1992-ஆம் ஆண்டில் ஜே.என்.யுவில் சேருவதற்கு முன்பு, மின்ஜ் கம்ப்யூட்டர் சயின்ஸ் துறை, மதுரை கமராஜ் பல்கலைக்கழகம், மத்திய பிரதேசத்தின் பர்கத்துல்லா பல்கலைக்கழகம் ஆகியவற்றில் உதவி பேராசிரியராக பணியாற்றியுள்ளார். இதுமட்டுமின்றி தேசிய மற்றும் சர்வதேச பத்திரிகைகளில் பல ஆய்வுக் கட்டுரைகளையும் வெளியிட்டுள்ளார்.

பீகார் சட்டமன்றத்தின் சட்டத்தால் 1992-ஆம் ஆண்டில் இந்த பல்கலைக்கழகம் சித்து கன்ஹு பல்கலைக்கழகமாக நிறுவப்பட்டது. இது ஜார்க்கண்ட் மாநிலத்தின் கீழ் வந்தது, இது 2000 ஆம் ஆண்டில் உருவாக்கப்பட்டது.  பல்கலைக்கழக அதிகார வரம்பு சந்தால் பர்கானாஸின் ஆறு மாவட்டங்களில் பரவியுள்ளது. இது 13 தொகுதிகளைக் கொண்டுள்ளது மற்றும் நிரந்தரமாக இணைக்கப்பட்ட ஒன்பது கல்லூரிகள் உள்ளன.

கடந்த 1855-ஆம் ஆண்டில் பிரிட்டிஷ்  ஆட்சிக்கு எதிராக, இந்தியாவில் முதல் சுதந்திரப் போருக்கு இரண்டு ஆண்டுகளுக்கு முன்னர், சந்தால் ஹல் என்று பிரபலமாக அறியப்பட்ட சந்தால் போராட்டத்தை வழிநடத்திய இரண்டு புகழ்பெற்ற சந்தால் சுதந்திர போராளிகளான சிடோ முர்மு மற்றும் கன்ஹு முர்மு ஆகியோரின் நினைவாகவே இந்த பல்கலைக்கழகம் தொடங்கப்பட்டுள்ளது.