மோகன் கிருஷ்ணா இயக்கத்தில் நானி, சுதீர் பாபு, நிவேதா தாமஸ், அதிதி ராவ், ஜகபதி பாபு, வெண்ணிலா கிஷோர், நாசர் உள்ளிட்ட பலர் நடிப்பில் உருவாகியுள்ள படம் ‘வி’.
நானி முதன்முறையாக வில்லனாக நடித்துள்ள படம் என்பதால் எதிர்பார்ப்பு கூடியுள்ளது .
பலமுறை ஓடிடி வெளியீடு குறித்த தகவல் வெளியான போது படக்குழு மறுப்பு தெரிவித்தது.
இந்நிலையில் இந்தப் படம் நேரடியாக ஓடிடி தளத்தில் வெளியாவது உறுதியாகி இருக்கிறது. அமேசான் ப்ரைம் ஓடிடி தளம் ‘வி’ படத்தின் உரிமையைப் பெரும் விலை கொடுத்து வாங்கியுள்ளது.
V is coming home ❤️
September 5th.. The Hunt is On!@PrimeVideoIN #VOnPrime pic.twitter.com/28Lpb21RuE
— Hi Nani (@NameisNani) August 20, 2020
இந்நிலையில் தனது 25-வது படம் ஓடிடியில் வெளியாவது குறித்து நானி, “கடந்த 12 ஆண்டுகளாக எனது படங்களைக் காண டிக்கெட்கள் எடுத்து திரையரங்கிற்கு வந்தீர்கள். இப்போது நான் உங்களுடைய வீட்டிற்கே வந்து நன்றி கூறவுள்ளேன். எனது ‘வி’ திரைப்படம் செப்டம்பர் 5-ம் தேதி அமேசான் ப்ரைம் ஓடிடி தளத்தில் வெளியாகவுள்ளது” என்று தெரிவித்துள்ளார்.