98 வயதாகும் உன்னிகிருஷ்ணன் நம்பூதிரி அஜித்தின் கண்டுகொண்டேன் கண்டுகொண்டேன் படம் மூலம் தமிழ் திரையுலகில் அறிமுகமானார்.
3 வாரங்களுக்கு முன்பு உன்னிகிருஷ்ணனுக்கு நிமோனியா ஏற்பட்டு கண்ணூரில் இருக்கும் தனியார் மருத்துவமனையில் அனுமதிக்கப்பட்டார். அப்பொழுது அவருக்கு செய்த பரிசோதனையில் கொரோனா வைரஸ் பாதிப்பு இல்லை என்பது தெரிய வந்தது.
உடல்நலம் தேறிய பிறகு உன்னிகிருஷ்ணன் வீடு திரும்பினார். வீட்டிற்கு வந்த இரண்டு நாளில் அவருக்கு மீண்டும் காய்ச்சல் ஏற்பட்டது. இம்முறை செய்த பரிசோதனையில் அவருக்கு கொரோனா வைரஸ் பாதிப்பு இருப்பது தெரிய வந்தது.
அவரை தீவிர சிகிச்சை பிரிவில் இரண்டு நாட்கள் வைத்திருந்தார்கள். அதன் பிறகு அவர் குணமாகிவிட்டார். ஞாயிற்றுக்கிழமை செய்த பரிசோதனையில் கோவிட் நெகட்டிவ் என்று வந்தது.
இந்நிலையில் தற்போது உன்னிகிருஷ்ணன் நம்பூதிரி காலாமாகியுள்ளதாக தகவல் வெளியாகியுள்ளது.
கொரோனா வைரஸ் பரிசோதனையில் நெகட்டீவ் என வந்த போதிலும், அதற்கு பிறகு உடல்நிலையில் ஏற்பட்ட பின்னடைவால் அவர் இன்று (20.1.2021) இயற்கை எய்தியுள்ளதாக தற்போது தெரிவிக்கப்பட்டுள்ளது. இதை தொடர்ந்து பல்வேறு தமிழ் மற்றும் மலையாள திரைத்துறையினர் அவருக்கு இரங்கல் தெரிவித்து வருகின்றனர்.