#MeToo: அச்சம் என்பது மிகப்பெரிய மௌனத்தை ஏற்படுத்திவிடும் – சித்தார்த் ட்வீட்

மீ டூ விழிப்புணர்வு குறித்து முக்கியப் பதிவு ஒன்றை நடிகர் சித்தார்த் டுவிட்டரில் இட்டுள்ளார். குற்றம் சாட்டப்பட்ட நிலையில் அச்சம் என்பது மிகப்பெரிய மௌனத்தை ஏற்படுத்திவிடும் என சித்தார்த் குறிப்பிட்டுள்ளார்.

siddharth

சமூக வலைத்தளங்களில் #MeToo என்ற பெயரில் தங்களுக்கு நேர்ந்த பாலியல் சீண்டல்கள் குறித்து, ஏராளமானோர் பதிவிட்டு வருகின்றனர். இது மேற்கத்திய நாடுகளில் தொடங்கிய இந்தியா வரை நீண்டு வந்துள்ளது. பாலிவுட்டில் நடிகர் நானா படேகர் மீது நடிகை தனுஸ்ரீ தத்தா பரபரப்பு புகார் தெரிவித்தார்.

இதையடுத்து தமிழ் திரையுலகில் கவிஞர் வைரமுத்து மீது பாடகி சின்மயி குற்றம்சாட்டியுள்ளார். அவருக்கு ஆதரவாக நடிகர் சித்தார்த், சமந்தா, வரலட்சுமி சரத்குமார் உள்ளிட்ட பிரபலங்கள் கருத்துகள் பதிவிட்டு வருகின்றனர்.

இந்நிலையில் சமீபத்தில் டுவிட்டரில் பதிவிட்டுள்ள நடிகர் சித்தார்த், அச்சம் என்பது மிகப்பெரிய மௌனத்தை ஏற்படுத்திவிடும். பாலியல் சீண்டலுக்கு ஆளானவர்கள் சில ஆண்டுகளுக்கோ அல்லது எப்போதுமோ அமைதியாக இருக்கக்கூடும்.

ஆனால் மீ டூ போன்ற விழிப்புணர்வு ஏற்பட்டாலும் மற்றும் அதற்கான சரியான நேரம் வரும் போதும் குற்றவாளிகள் மௌனமாகி விடுவர். தற்போது தமிழ் ஊடகங்களும், தமிழக அரசியலும், தமிழ் சினிமாவும் மிக மிக அமைதி காத்து வருகின்றன. இதுகுறித்து வாய் திறக்க வேண்டியது அவசியம். அதுவும் இப்போதே! என்று பதிவிட்டுள்ளார்.