கனத்த இதயத்துடன் மணாலி செல்கிறேன்; என்னுடைய மும்பை பற்றிய ஒப்பீடு சரியானதே : கங்கணா ரணாவத்

சுஷாந்த் சிங் ராஜ்புத்தின் தற்கொலையைத் தொடர்ந்து வாரிசு அரசியல் தான் காரணம் என குற்றம் சாட்டினார். பல்வேறு பாலிவுட் பிரபலங்களுடன் நேரடியாகக் கருத்து மோதலில் ஈடுபட்டார்.

மும்பை காவல்துறை, மகாராஷ்டிர மாநிலம், ஆளும் சிவசேனா கட்சி என அடுத்தடுத்து எதிர்க்க ஆரம்பித்தார்.

தன்னுடைய கட்டிட இடிப்புப் பிரச்சினைக்காக மும்பை வந்திருந்த கங்கணா, திங்கட்கிழமை அன்று மணாலிக்குத் திரும்பிச் சென்றுள்ளார்.

“கனத்த இதயத்தோடு மும்பையை விட்டுச் செல்கிறேன். இவ்வளவு நாட்கள் தொடர்ந்து என் மீது நடந்த தாக்குதல், அதில் நான் அச்சப்பட்டது, என்னை நோக்கி வீசப்பட்ட அவதூறுகள், என் அலுவலகம் மற்றும் என் வீட்டை இடிக்க நடந்த முயற்சிகள், என்னைச் சுற்றி ஆயுதத்தோடு இருந்த பாதுகாவலர்கள், எல்லாவற்றையும் பார்க்கும்போது, பாகிஸ்தான் ஆக்கிரமிப்பு காஷ்மீர் என்கிற எனது ஒப்பீடு மிகச் சரியானது என்றே சொல்வேன்” என்று கங்கணா ட்வீட் செய்துள்ளார்.