வெங்கட கிருஷ்ண ரோகாந்த் இயக்கத்தில் விஜய் சேதுபதி, மேகா ஆகாஷ், மகிழ் திருமேனி, விவேக், இயக்குநர் மோகன்ராஜா, கனிகா உள்ளிட்ட பலர் நடித்துள்ள படம் ‘யாதும் ஊரே யாவரும் கேளிர்’.
கொரோனா ஊரடங்கால் ஷூட்டிங் தடைப்பட்டிருந்தது . தமிழக அரசு இறுதிக்கட்டப் பணிகளுக்கு அனுமதியளித்ததைத் தொடர்ந்து, மும்முரமாக பணிகளைத் தொடங்கிவிட்டனர்.
சந்திரா ஆர்ட்ஸ் நிறுவனம் சார்பில் இசக்கி துரை இந்தப் படத்தைத் தயாரித்து வருகிறார்.
இசையமைப்பாளராக நிவாஸ் கே பிரசன்னா, ஒளிப்பதிவாளராக மகேஷ் முத்துசுவாமி, கலை இயக்குநராக ஜான் பிரிட்டோ, எடிட்டராக சதீஷ் சூர்யா ஆகியோர் பணிபுரிந்து வருகிறார்கள்.
படத்தின் பிரத்தியேக புகைப்படங்கள் வெளியாகி இணையத்தில் வைரலாகி வந்தது. நடிகை மேகா ஆகாஷுக்கு பியானோ வாசிக்க விஜய்சேதுபதி கற்றுத்தருவது போல் இருக்கும் இந்த புகைப்படத்தில் உள்ளது. இந்த அழகான புகைப்படத்தை ட்ரெண்ட் செய்து வந்தனர் ரசிகர்கள்.
இந்நிலையில் யாதும் ஊரே யாவரும் கேளிர் படத்தின் டீஸர் தற்போது வெளியாகி ரசிகர்களை கவர்ந்து வருகிறது. இலங்கை தமிழராக நடித்துள்ளார் சேது. காவல் அதிகாரியாக மகிழ் திருமேனி நடித்துள்ளார்.