சமூக வலைதளத்தில் ஜீ தமிழ் தொலைக்காட்சி குறித்து பரவும் வதந்தி….!

அறிவிப்பு…

ஜீ தமிழ் குறித்த அதிகாரப்பூர்வமற்ற தகவல்களை நம்ப வேண்டாம்.#ZeeTamil pic.twitter.com/z5JdAGYtOP

— Zee Tamil (@ZeeTamil) March 5, 2020

தமிழ்த் தொலைக்காட்சிகள் வரிசையில் முன்னணியில் இருப்பது ஜீ தமிழ்த் தொலைக்காட்சி.

சமீபமாக சமூக வலைதளங்களில் “ஜீ தமிழ் நிகழ்ச்சிக்காக அழகுத் தமிழில் பேசக்கூடிய இளம் இலக்கிய பேச்சாளர்கள் (பள்ளி மாணவர்கள்) தேவைப்படுகிறார்கள். இக்குழுவில் உள்ள ஆசிரியப் பெருமக்கள் ஆர்வமுள்ள, திறமையுள்ள மாணவர்களுக்கு வாய்ப்பளிக்கும் பொருட்டு வரும் 06-03-2020 வெள்ளிக்கிழமைக்குள் இந்த எண்ணைத் தொடர்பு கொள்ளவும். இது தமிழகம் முழுமைக்குமான ஒரு தேடல். ஆகவே பிற குழுக்களுக்கும் பகிருமாறு அன்போடு கேட்டுக்கொள்கிறோம்” என்று தொலைபேசி எண்ணும் ஒரு குறுந்தகவலும் பகிரப்பட்டு வந்தது.

இந்தத் தகவல் தொடர்பாக ஜீ தமிழ் நிறுவனம், “ஜீ தமிழ் குறித்தோ, ஜீ தமிழ் நிகழ்ச்சிகள் குறித்தோ அதிகாரபூர்வமற்ற சமூக வலைதளப் பக்கங்களில் வெளியாகும் எந்தக் கருத்துக்கும் ஜீ தமிழ் நிர்வாகம் பொறுப்பேற்காது.

மேலும், ஜீ தமிழ் நிகழ்ச்சிகள் குறித்து ஜீ தமிழ்த் தொலைக்காட்சியிலும் அதிகாரபூர்வ சமூக வலைதளத்திலும் பகிரப்படும் கருத்துகள் மட்டுமே உண்மையானவை. சமூக வலைதளங்களில் பரவி வரும் இந்தப் போலியான செய்தியை நம்பிவிட வேண்டாம்” என்று தெரிவித்துள்ளது.